పీరియాడిక్ డ్రామాగా రూపొందిన ‘పొన్నియన్ సెల్వన్ 1’ మణిరత్నం అద్భుత సృష్టిగా రిలీజ్‌కి ముందు మంచి బజ్ క్రియేట్ చేసింది. నిర్మాణంలో భారీతనం, కాస్టింగ్ రిచ్‌నెస్.. ఇవన్నీ సినిమాపై ఆసక్తిని రేకెత్తించాయ్.
మణిరత్నం టేకింగ్ పైనా అందరూ బోలెడన్ని ఆశలు పెట్టుకున్నారు. కానీ, రిలీజ్ తర్వాత ఈ సినిమా మంచి టాక్ తెచ్చుకోలేకపోయింది. రెండో బాహుబలిగా రికార్డులు కొల్లగొడుతుందనుకున్న ‘పొన్నియన్ సెల్వన్ 1’కి కనీసపాటి ఆదరణ కూడా దక్కలేదు.
ఇక, ఈ సినిమాకి రెండో పార్ట్ రిలీజ్ కోసం సర్వం సిద్ధం చేశారు. ఈ నెల 28న ‘పొన్నియన్ సెల్వన్ 2’ ప్రపంచవ్యాప్తంగా గ్రాండ్‌గా రిలీజ్‌కి సిద్ధమైంది. ఈ నేపథ్యంలో చిత్ర యూనిట్ ముఖ్యంగా సినిమాలోని ప్రధాన తారగణం అంతా ప్రపంచంలోని మెయిన్ సిటీల్లో విహరిస్తూ సినిమాని ప్రమోట్ చేస్తున్నారు.
విక్రమ్, కార్తీ, జయం రవి, ఐశ్వర్యారాయ్, త్రిష, ఐశ్వర్య లక్ష్మి, శోభిత ధూళిపాళ్ల తదితరులు ఈ సినిమాలో ప్రధాన తారాగణంగా నటిస్తున్నారు. ఐశ్వర్యా రాయ్ డబుల్ రోల్‌లో కనిపించనుంది. మొదటి పార్ట్‌లో డబుల్ రోల్ గురించి కాస్త గోప్యత పాఠించారు. ఈ పార్ట్‌లో ఆ పాత్రను మరింత హైలైట్ చేయనున్నారనీ మొదటి పార్ట్‌లోనే హింట్ ఇచ్చారు. చూడాలి మరి, ‘PS 2’ ఎలాంటి రికార్డులు నమోదు చేస్తుందో.!