‘అలా మొదలైంది’, ‘ఓ బేబీ’ తదితర సినిమాలతో లేడీ డైరెక్టర్‌గా ఇండస్ట్రీలో తనకంటూ ఓ ప్రత్యేకమైన గుర్తింపు తెచ్చుకున్నారు నందినీ రెడ్డి.

యంగ్ హీరోలకు బెస్ట్ ఆప్షన్ నందినీ రెడ్డి సినిమాలు. ఆమె నుంచి తాజాగా ‘అన్నీ మంచి శకునములే’ సినిమా వస్తోంది. ఈ నెల 18న ఈ సినిమా ధియేటర్లలో సందడి చేయనుంది. 

సంతోష్ శోభన్, మాళవిక జంటగా తెరకెక్కుతోన్న ఈ సినిమా ప్రమోషన్లలో భాగంగా సినిమా కథ గురించి చెబుతూ కొన్ని సంచలన వ్యాఖ్యలు చేశారామె. 

ముందుగా ఈ సినిమాలో హీరోగా రౌడీ విజయ్ దేవరకొండను అనుకున్నారట. అయితే, ‘అర్జున్ రెడ్డి’తో విజయ్ క్రేజ్ మామూలుగా లేదు. సో, తాను రాసుకున్న కథకు రౌడీ ఇమేజ్ సరిపడదని తర్వాత సంతోష్ శోభన్‌ను ఈ ప్రాజెక్ట్‌లో భాగం చేశాననీ చెప్పారామె.

అయితే, డేరింగ్ అండ్ డాషింగ్ లేడీ అయిన నందిని రెడ్డి వ్యాఖ్యలు మరోలా కన్‌వే అయ్యాయ్. విజయ్‌తో సినిమా చేయడం వేస్ట్ అన్నట్లుగా సోషల్ మీడియాలో వైరల్ అయ్యాయ్. నెట్టింట నందినీ రెడ్డి వ్యాఖ్యలు సంచలనం సృష్టిస్తూ సినిమాకి ఫ్రీ పబ్లిసిటీ తెప్పిస్తున్నాయ్. అదీ సంగతి.