‘వీర సింహారెడ్డి’ సినిమాలో శృతి హాసన్ మెయిన్ హీరోయిన్‌గా నటించినప్పటికీ మరో హీరోయిన్‌గా నటించిన హనీ రోజ్‌కి మంచి క్రేజ్ వచ్చింది.

ఈ సినిమాతో హనీరోజ్‌ బాగా పాపులర్ అయ్యింది. అయితే, అవకాశాలు రాలేదు కానీ, సినిమా ప్రమోషన్లలో హనీ రోజ్ చాలా యాక్టివ్‌గా పాల్గొనడం, అదే టైమ్‌లో శృతి హాసన్ పెద్దగా ప్రమోషన్లకు హాజరు కాకపోవడంతో, హనీ రోజ్ పేరు మార్మోగిపోయింది.

బాలయ్య హీరోయినా.? మజాకానా.? అనే రేంజ్‌లో పేరు తెచ్చుకుంది హనీ రోజ్. ఇప్పుడు తన కొత్త సినిమాలో హనీ రోజ్‌కి ఇంకో ఛాన్స్ ఇవ్వబోతున్నాడట బాలయ్య.

అనిల్ రావిపూడితో బాలయ్య నటిస్తున్న సినిమాలో కాజల్ అగర్వాల్ హీరోయిన్‌గా నటిస్తున్న సంగతి తెలిసిందే. శ్రీలీల బాలయ్యకు కూతురు పాత్రలో కనిపించనుంది.

తాజాగా అందుతోన్న సమాచారం ప్రకారం ఈ సినిమాలోని ఓ అదిరిపోయే మాస్ మసాలా స్పెషల్ సాంగ్ కోసం హనీ రోజ్‌ని ప్రిఫర్ చేస్తున్నాడట. దాదాపు ఓకే అయినట్లు తెలుస్తోంది. అఫీషియల్‌గా క్లారిటీ రావాల్సి వుంది.