డేరింగ్ అండ్ డాషింగ్ మెగా డాటర్ నిహారిక ఈ మధ్య సోషల్ మీడియాలో కొందరు ఆకతాయిల ట్రోల్స్‌కి టార్గెట్ అవుతున్న సంగతి తెలిసిందే.

భర్తతో విడాకుల ఇష్యూ కావచ్చు.. సాయి ధరమ్ తేజ్‌తో రెండో వివాహమట.. అంటూ రకరకాల ట్రోల్స్‌తో నెట్టింట వైరల్ అవుతోంది నిహారిక కొణిదెల.

అయితే, ఈ ట్రోల్స్‌పై ఇంతవరకూ రెస్పాండ్ కాలేదు కానీ, ఈ నెల 19న నిహారిక నటించిన ‘డెడ్ పిక్సల్స్’ అనే వెబ్ సిరీస్ ఓటీటీలో రిలీజ్‌కి సిద్ధంగా వుంది.

ఈ నేపథ్యంలో ప్రమోషన్లలో హుషారుగా పాల్గొంటోంది నిహారిక. ఈ క్రమంలోనే ఆమెపై వస్తున్న ట్రోల్స్‌పై ఘాటుగా స్పందించింది.

పనీ పాటా లేని వాళ్లే ఇలాంటి ట్రోల్స్ చేస్తుంటారు. వాటికి రెస్పాండ్ అయితే, వాళ్లని మరింత ఎంకరేజ్ చేసినట్లవుతుంది. అలాంటి వేస్ట్ ట్రోల్స్‌ని నేను పట్టించుకోను.. అని గట్టిగా రెస్పాండ్ అయ్యింది.

నాలుగేళ్లుగా యాక్టింగ్ నుంచి విరామం తీసుకున్న నిహారిక మళ్లీ ‘డెడ్ పిక్సల్స్’ ద్వారా ముఖానికి రంగేసుకుంది. డిస్నీ ప్లస్ హాట్ స్టార్‌లో ఈ నెల 19 నుంచి ఈ వెబ్ సిరీస్ స్ర్టీమింగ్ కానుంది.