మస్కట్: నివాసితులు రెన్యూవల్స్ కోసం లేదా కొత్త రెసిడెన్సీ కార్డులను పొందడం కోసం అవసరమైన వైద్య పరీక్షల నివేదికలను సులభంగా పొందేందుకు ఒక కొత్ వ్యవస్థను ప్రారంభించినట్లు  ఒమన్ ఆరోగ్య మంత్రిత్వ శాఖ (MoH) వెల్లడించింది. దీని సాయంతో 'మెడికల్ ఫిట్‌నెస్ ఎగ్జామినేషన్ సిస్టమ్ ఫర్ రెసిడెన్సీ పర్పస్' వైద్య నివేదికలను నివాసితులు, కంపెనీలు సులభంగా పొందటానికి అనుమతిస్తుందని తెలిపింది. పౌర వ్యవహారాలలో సేవా కేంద్రాల నుండి రెసిడెన్సీని పునరుద్ధరించడానికి లేదా రెసిడెన్సీ కార్డులను పొందేందుకు, మొదటిసారి వీసాలు పొందేందుకు వైద్య పరీక్షలు తప్పనిసరి అన్న విషయం తెలిసిందే. ఈ వ్యవస్థలో పారదర్శకతను పెంచడం, నకిలీ నివేదికలను తగ్గించడం, రాయల్ ఒమన్ పోలీస్ (ROP) సమయాన్ని తగ్గించడమే లక్ష్యంగా కొత్త సిస్టమ్ ను తీసుకొచ్చినట్లు MoH తెలిపింది.