రియాద్:  సౌదీ అరేబియా జనాభా 32,175,224 మిలియన్లని జనరల్ అథారిటీ ఫర్ స్టాటిస్టిక్స్ (GASTAT)  వెల్లడించింది. 2022 జనాభా లెక్కల మొదటి ఫలితాలను బుధవారం ప్రకటించింది. మొత్తం సంఖ్యలో సౌదీలు 18.8 మిలియన్లు (58.4%), సౌదీయేతరులు 13.4 మిలియన్లు (41.6%) ఉన్నారు. జనాభా గణన ప్రకారం.. 29 మరియు 30 ఏళ్లలోపు సౌదీలు జనాభా మొత్తంలో 63% శాతం ఉన్నారు. పురుషుల సంఖ్య 19.7 మిలియన్లకు చేరుకుంది. ఇది 61 శాతంగా ఉంది. అయితే స్త్రీల సంఖ్య 12.5 మిలియన్లకు చేరుకుంది. ఇది రాజ్య జనాభాలో 39 శాతానికి ప్రాతినిధ్యం వహిస్తుంది. జనాభా పరంగా రియాద్ అతిపెద్ద సౌదీ నగరంగా నిలవగా.. ఆ తర్వాత జెడ్డా, మక్కా, మదీనా మరియు దమ్మామ్ ఉన్నాయి. మొత్తం సౌదీ కుటుంబాల సంఖ్య 4.2 మిలియన్లు కాగా, ఒక్కో కుటుంబంలో సగటున 4.8 మంది వ్యక్తులు ఉన్నారు.