‘అర్జున్ రెడ్డి’ సినిమాతో సెన్సేషనల్ స్టార్‌గా మారిపోయాడు విజయ్ దేవరకొండ. అదే సెన్సేషన్‌తో రౌడీ స్టార్‌గా ఇమేజ్‌ని సొంతం చేసుకున్నాడు. అయితే, ‘లైగర్’ సినిమా రౌడీ ఇమేజ్‌ని ఫుల్‌గా డ్యామేజ్ చేసేసింది. 

దాంతో, మనోడు ట్రాక్ మార్చేసినట్లు తెలుస్తోంది. రౌడీ స్టార్ ఇమేజ్‌ని ఫ్యామిలీ స్టార్ ఇమేజ్‌గా మార్చేసుకోవాలనుకుంటున్నాడట.

ప్రస్తుతం విజయ్ దేవరకొండ చేతిలో మూడు ప్రెస్టీజియస్ ప్రాజెక్టులున్నాయ్. అందులో శివ నిర్వాణ దర్శకత్వంలో తెరకెకక్కుతోన్న ‘ఖుషి’ ఆల్రెడీ షూటింగ్ పూర్తి చేసుకుంటోంది.

పరశురామ్ డైరెక్షన్‌లో ఓ సినిమా, గౌతమ్ తిన్ననూరి డైరెక్షన్‌లో ఇంకో సినిమా ఇప్పటికే సెట్ చేసి పెట్టేశాడు విజయ్ దేవరకొండ. గౌతమ్ తిన్ననూరి సినిమాని వెరీ రీసెంట్‌గా పట్టాలెక్కించేశాడు కూడా.

ఇక, పరశురామ్ సినిమా కూడా పూజా కార్యక్రమాలు చేసుకుని రెగ్యులర్ షూటింగ్‌కి సిద్దంగా వుంది. విజయ్‌కి ‘గీత గోవిందం’ వంటి బ్లాక్ బస్టర్ హిట్ ఇచ్చిన దర్శకుడు పరశురామ్. ఈ సారి కూడా అదే కాన్ఫిడెన్స్‌తో వున్నాడట. ఈ పరశురామ్, గౌతమ్ సినిమాల్లో హోమ్లీ అండ్ ఫ్యామిలీ స్టార్‌గా విజయ్ కనిపించబోతున్నాడనీ తెలుస్తోంది.

మిడిల్ క్లాస్ మెంటాల్టీ వున్న కుర్రోడిలా కనిపించబోతున్నాడట. సో, ఇకపై రౌడీ ఇమేజ్ ఫ్యామిలీ స్టార్ ఇమేజ్‌గా రూపాంతరం చెందబోతోందనీ అంటున్నారు. చూడాలి మరి.