ఐటెం సాంగ్స్ అంటే ఐటెం గాళ్స్ మాత్రమే చేయాలన్న సిస్టమ్‌కి చెల్లు చీటీ పడేశారు ఈ మధ్య స్టార్ హీరోయిన్లు. తమన్నా, సమంత, పూజా హెగ్ధే, కాజల్.. ఇలా పలువురు ముద్దుగుమ్మలు ఓ వైపు హీరోయిన్‌గా సినిమాలు చేస్తూనే, మరోవైపు స్పెషల్ సాంగ్స్‌లోనూ నటించేశారు.

ఆయా సాంగ్స్ ఓ రేంజ్ పాపులర్ అయిపోయాయ్ కూడా. అలాంటిది, మృణాల్ ఠాకూర్ స్పెషల్ సాంగ్‌లో నటించడానికి ఎందుకంత ఇబ్బంది పడుతోంది.?

లేటెస్టు‌గా ఓ నిర్మాణ సంస్థ స్పెషల్ సాంగ్ కోసం ఆమెని సంప్రదించిందట. మొదట ఆలోచిస్తానని చెప్పి, ఆ తర్వాత సింపుల్‌గా నో చెప్పేసిందట. ప్రస్తుతం ఆమె చేతిలో వున్నవి రెండు మూడు సినిమాలే. సో నో చెప్పేంత బిజీ షెడ్యూల్ అయితే మృణాల్‌కి లేదు.

కానీ, ఎందుకో మరి, స్పెషల్ సాంగ్ అంటే, ఆలోచిస్తోందట మృణాల్ ఠాకూర్. ఏమో, ఎవరి కంఫర్ట్స్ వాళ్లవి. ఎవరి ప్రాబ్లెమ్స్ వాళ్లవి. అలా మృణాల్‌కి స్పెషల్ సాంగ్ చేయడంలో వచ్చిన ఇబ్బంది ఏంటో.!