‘లైగర్’ సినిమాతో అనన్యా పాండే తెలుగు ప్రేక్షకులకు పరిచయమైంది. అయితే, ఆ సినిమా రిజల్ట్ సంగతి ఏంటో ప్రత్యేకంగా చెప్పక్కర్లేదు. నిజానికి ఈ సినిమాలో అనన్యా పాండే చాలా చక్కగా నటించింది తనకిచ్చిన పాత్ర పరిధి వరకూ.
సినిమా హిట్ అయితే, టాలీవుడ్‌లో నిలదొక్కుకోగల స్టామినా వున్న నటే. కానీ, సీన్ రివర్స్ అయిపోయింది. మరిన్ని తెలుగు సినిమాల్లో నటించే ఇంట్రెస్ట్ అనన్యకున్నప్పటికీ తెలుగు మేకర్లు వద్దు బాబోయ్ అనన్యా.! అంటున్నారట. 
అవును మరి, టాలీవుడ్‌లో సెంటిమెంట్లు చాలా ఎక్కువ. ఏమాత్రం సెంటిమెంట్ వర్కవుట్ అయినా ఇంక అంతే సంగతి. అందుకే ఆమెను వద్దంటున్నారట. 
కానీ, అనన్యకు తెలుగు సినిమాల్లో నటించాలన్న కోరిక మాత్రం అలాగే వుండిపోయిందట. మరో మంచి ఛాన్స్ కోసం ఎదురు చూస్తున్నా అంటోంది. మంచి సబ్జెక్ట్, ఛాన్స్ దొరికితే, మళ్లీ తెలుగు ప్రేక్షకుల్లో తానేంటో ప్రూవ్ చేసుకుంటానంటోంది.