రీసెంట్‌గా మెగా ఫ్యామిలీ నుంచి వచ్చిన సినిమాలన్నీ ఫ్లాప్ టాక్ తెచ్చుకున్న సంగతి తెలిసిందే. బ్యాక్ టు బ్యాక్ మెగా మూవీస్ రిలీజయ్యాయ్. ‘బ్రో’ ఓ మోస్తరు టాక్ తెచ్చుకున్నప్పటికీ, ‘భోళా శంకర్’ బాగా నిరాశపరిచింది.
ఆ తర్వాత వచ్చిన ‘గాంఢీవధారి అర్జున’ కూడా ఫెయిలైంది. ఇక, ఇప్పుడు వైష్ణవ్ తేజ్ వంతు. ‘ఆది కేశవ’ సినిమాతో వైష్ణవ్ తేజ్ రాబోతున్నాడు.
తొలి సినిమా ‘ఉప్పెన’ తప్ప వైష్ణవ్ తేజ్ కెరీర్‌లో ఇంతవరకూ సరైన హిట్టు పడలేదు. ‘ఆది కేశవ’పై అంచనాలున్నప్పటికీ, ప్రస్తుత పరిస్థితుల్లో ఈ సినిమా రిలీజ్ కాస్త రిస్కేమో అనుకుంటున్నారట.
మేకర్లయితే, కథపై సినిమా అవుట్ పుట్‌పై చాలా నమ్మకంతో వున్నారట. అందులోనూ శ్రీలీల హీరోయిన్ అన్న విషయం ఈ సినిమాకి ఇంకో ప్లస్ పాయింట్. చూడాలి మరి, ఏం జరుగుతుందో.!
ప్రమోషన్లయితే హాఫ్ హార్టెట్‌గానే స్టార్ట్ చేశారు. కానీ, రిలీజ్ అయ్యేంతవరకూ గ్యారంటీ లేదని ఇన్‌సైడ్ వర్గాల సమాచారమ్.