వికలాంగులకు 2.5 శాతం ఉద్యోగాల్ని దబాయ్‌ కస్టమ్స్‌ ఏర్పాటు చేసింది. ఇప్పటికే కెరీర్స్‌ యూఏఈ 2016 ఎగ్జిబిషన్‌లో 128 వేకెన్సీస్‌ని ఇప్పటికే ప్రకటించిన దుబాయ్‌ కస్టమ్స్‌ వాటికి అదనంగా ఈ పోస్టుల్ని సిద్ధం చేసినట్లు సీనియర్‌ అధికారి ఒకరు చెప్పారు. కెరీర్స్‌ యూఏఈ 2016 లో దుబాయ్‌ కస్టమ్స్‌ స్టాండ్స్‌కి 1000 అప్లికేషన్స్‌ వచ్చాయనీ, వీటిలో వ్యక్తిగతంగా 403 అప్లికేషన్స్‌ రాగా, 597 అప్లికేషన్లు ఇ-మెయిల్‌ ద్వారా వచ్చాయని ఆ అధికారి వివరించారు. అక్కడికక్కడే 40 మందిని ఇంటర్వ్యూ చేసి 16 మందిని ఎంపిక చేశామనీ, అతి త్వరలో వారు విధులకు హాజరవుతారని చెప్పారు. దుబాయ్‌ కస్టమ్స్‌ ప్రస్తుతం 10 మంది డిఫరెంట్లీ ఏబుల్డ్‌ ఎంప్లాయీస్‌ని కలిగి ఉందని దుబాయ్‌ కస్టమ్స్‌ ఫైనాన్స్‌ అండ్‌ అడ్మినిస్ట్రేషన్‌ - హ్యూమన్‌ రిసోర్సెస్‌ ఎగ్జిక్యూటివ్‌ డైరెక్టర్‌ అహ్మద్‌ ఒబైద్‌ అల్‌ పలాసి వివరించారు. యాంబిషన్‌, ఎమిరైటేజేషన్‌ ఎక్సలెన్స్‌ అనే మోటివ్‌తో ఉద్యోగాల భర్తీ ప్రకియ చేపడ్తున్నట్లు వివరించారాయన.