రియాద్: సౌదీ అరేబియా ఫుట్‌బాల్ ఫెడరేషన్ (SAFF) నేతృత్వంలో 2034 ఫిఫా  ప్రపంచ కప్‌కు ఆతిథ్యం ఇవ్వడానికి బిడ్ వేయనున్నట్లు సౌదీ అరేబియా అధికారికంగా ప్రకటించింది. దేశంలో సామాజిక, ఆర్థిక పరివర్తన , ఫుట్‌బాల్ పట్ల అభిరుచిరని పెంచడం ఈ బిడ్ లక్ష్యమని తెలిపింది.   సౌదీ అరేబియా 2018 నుండి 50కి పైగా అంతర్జాతీయ ఈవెంట్‌లను విజయవంతంగా నిర్వహించింది. ఇందులో ప్రసిద్ధి చెందిన  ఫుట్‌బాల్, మోటార్‌స్పోర్ట్స్, టెన్నిస్, ఈక్వెస్ట్రియన్, ఎస్పోర్ట్స్,  గోల్ఫ్‌ ఈవెంట్లు ఉన్నాయి. ఆరుసార్లు FIFA ప్రపంచ కప్‌కు అర్హత సాధించి, ఇటీవల 2022లో గ్రీన్ ఫాల్కన్స్(సౌదీ) తమ గ్రూప్ మ్యాచ్‌లో చాంపియన్ అర్జెంటీనాపై చారిత్రాత్మక విజయాన్ని సాధించిన విషయం తెలిసిందే. 2022లో ఫిఫా ప్రపంచ కప్ ఖతార్ లో జరిగింది.