రియాద్: సౌదీ జనరల్ ఎంటర్‌టైన్‌మెంట్ అథారిటీ (GEA) చైర్మన్ టర్కీ అల్-షేక్ రియాద్ సీజన్ 2023 టిక్కెట్‌ల రిజర్వేషన్ కోసం అధికారిక వెబ్‌సైట్‌(Webook.com)ను ప్రారంభించారు. ‘బిగ్ టైమ్’ నినాదంతో సీజన్ అక్టోబర్ 28న ప్రారంభమవుతుంది. ఈవెంట్‌లు, ఆఫర్‌లు మరియు టిక్కెట్‌లతో సహా సీజన్‌కు సంబంధించిన ప్రతిదాన్ని వెబ్‌సైట్ అందిస్తుందని అల్-షేక్ చెప్పారు. అక్టోబర్ 25,  26వ తేదీలలో రెండు ప్రత్యేక కచేరీలు ఉంటాయని, వాటిని ఉచితంగా ప్రసారం చేయనున్నట్లు తెలిపారు. వెబ్‌సైట్‌లో నమోదు చేసుకున్న వారికి లగ్జరీ కారు బహుమతి కోసం ప్రశ్నలు, డ్రాలతో కూడిన పోటీ గురించి అల్-షేక్ వెల్లడించారు. ఈ సీజన్‌లో టిక్కెట్లు నమోదు చేసుకొని కొనుగోలు చేస్తున్న వారి నుంచి పోటీకి అద్భుతమైన స్పందన వచ్చిందన్నారు. సీజన్‌లో దాదాపు 60 శాతం ఈవెంట్‌లు కొత్త అనుభవాలుగా ఉంటాయని అల్-షేక్ ముందుగా ప్రకటించారు.