యూఏఈ: ప్రయాణికులు తమ వెంట బంగారం, ఆభరణాలను తీసుకెళ్లడానికి ప్రామాణిక నిబంధనలను ప్రపంచవ్యాప్తంగా ఉన్న దేశాలు అంగీకరించవచ్చని సీనియర్ అధికారి మంగళవారం తెలిపారు. యూఏఈ,  ఇతర దేశాలలోని దాని భాగస్వాములతో పాటు వరల్డ్ గోల్డ్ కౌన్సిల్ దీనికి సంబంధించి చర్చలు ప్రారంభించిందని పేర్కొన్నారు. ఇప్పుడు ప్రయాణీకులు బంగారు కడ్డీలు, నాణేలు మరియు ఆభరణాలను తీసుకెళ్లడానికి వేర్వేరు దేశాలలో వేర్వేరు నిబంధనలు ఉన్నాయి. కొందరు ఆర్థిక పరిమితులు విధించగా.. మరికొందరు ప్రయాణికులు ఒక దేశం నుండి బయలుదేరినప్పుడు లేదా ప్రవేశించినప్పుడు బంగారు వస్తువులను లెక్క అడుతుతారు. అధిక మొత్తంలో విలువైన లోహాన్ని తీసుకెళ్లే ప్రయాణికులు వాటిని కస్టమ్స్ వద్ద ప్రకటించాల్సి ఉంటుంది. ప్రపంచ గోల్డ్ కౌన్సిల్ మిడిల్ ఈస్ట్ అండ్ పబ్లిక్ పాలసీ హెడ్ ఆండ్రూ నేలర్ మాట్లాడుతూ.. బంగారాన్ని సరిహద్దుల గుండా రవాణా చేస్తున్నారని, ఎక్కువగా కంపెనీలను మోసుకెళ్లడం ద్వారా సురక్షితమైన లాజిస్టిక్స్ ద్వారా రవాణా జరుగుతుందన్నారు. అయితే వ్యక్తులు తమ వ్యక్తిగతంగా తీసుకెళ్లే బంగారాన్ని అంతర్జాతీయ సరిహద్దుల గుండా రవాణా చేస్తూ స్మగ్లింగ్ పాల్పడుతున్నట్లు పలు దేశాలు ఆరోపిస్తున్నాయి.  యూఏఈలో వరల్డ్ గోల్డ్ కౌన్సిల్ దానిని ముందుకు తీసుకెళ్లేందుకు దాని కీలక భాగస్వాములైన DMCC, దుబాయ్ జ్యువెలరీ గ్రూప్, ఇతర ప్రధాన వాటాదారులతో చర్చలు జరుపుతోందన్నారు. ప్రయాణికులు తమ వెంట తీసుకెళ్లే బంగారానికి ప్రామాణిక నియమాన్ని నిర్దేశించడం వల్ల విలువైన బంగారు ఆభరణాలు, బార్‌లను కొనుగోలు చేయడానికి గోల్డ్ సిటీకి వచ్చే లక్షలాది మంది పర్యాటకులకు సహాయపడుతుందన్నారు. నిజానికి చాలా మంది పర్యాటకులు తమ వివాహాలకు బంగారు ఆభరణాలు కొనడానికి మాత్రమే దుబాయ్‌కి వస్తుంటారని దుబాయ్ ప్రెషియస్ మెటల్స్ కాన్ఫరెన్స్ 11వ ఎడిషన్ సందర్భంగా జరిగిన ఇంటర్వ్యూలో అతను చెప్పాడు.