యూఏఈ: మరో 90 రోజుల్లో యూఏఈలో ఈద్ అల్ ఫితర్ ప్రారంభం కానుంది. ఇస్లాంలో అత్యంత పవిత్రమైన మాసంగా పరిగణించబడే రమదాన్ సందర్భంగా ముస్లింలు తెల్లవారుజాము నుండి సాయంత్రం వరకు ఉపవాసం ఉంటారు. రమదాన్ ఇస్లామిక్ క్యాలెండర్‌లో తొమ్మిదవ నెల. హిజ్రీ క్యాలెండర్‌లోని అన్ని నెలలలాగే, చంద్రుడు కనిపించినప్పుడు దాని ప్రారంభాన్ని నిర్ణయిస్తారు.

దుబాయ్ ఇస్లామిక్ అఫైర్స్ అండ్ చారిటబుల్ యాక్టివిటీస్ డిపార్ట్‌మెంట్ (IACAD) వెబ్‌సైట్‌లో ప్రచురించబడిన హిజ్రీ క్యాలెండర్ ప్రకారం.. రమదాన్ మార్చి 12, 2024న ప్రారంభమవుతుంది. యూఏఈలో వసంతకాలం ప్రారంభమైనందున ఆ సమయంలో ఉష్ణోగ్రతలు చల్లగా ఉంటాయి. దాదాపు వసంతకాలం లేదా ముగింపు-కాల విరామం కోసం పాఠశాలలు మూసివేయబడతాయి.

ఉపవాస వ్యవధి ఎంత?
2023తో పోలిస్తే 2024లో ఉపవాస సమయాలు తక్కువగా ఉంటాయి. పవిత్ర మాసం మొదటి రోజున ముస్లింలు 13 గంటల 16 నిమిషాల పాటు ఉపవాసం ఉంటారు. నెలాఖరు నాటికి ఉపవాస సమయాలు దాదాపు 14 గంటలకు చేరుకుంటాయి. 2023లో, ఉపవాస సమయాలు 13 గంటల 33 నిమిషాల , 14 గంటల 16 నిమిషాల మధ్య ఉండేవి. 

రమదాన్ ఎప్పుడు ముగుస్తుంది?
IACAD క్యాలెండర్ ప్రకార  పవిత్ర మాసానికి 29 రోజులు ఉండవచ్చు.  చివరి ఉపవాస దినం ఏప్రిల్ 9(మంగళవారం).

ఈద్ అల్ ఫితర్ 2024లో ఎప్పుడు?
ఇస్లామిక్ పండుగ ఈద్ అల్ ఫితర్ ఉపవాస నెల తర్వాత ప్రకటిస్తారు. 2024లో  రమదాన్ నివాసితులకు సుదీర్ఘ అధికారిక విరామాన్ని అందిస్తుంది. రమదాన్ 29 నుండి షవ్వాల్ 3 వరకు ప్రభుత్వ సెలవుదినంగా ప్రభుత్వం పేర్కొంది. క్యాలెండర్ ఆధారంగా సంబంధిత గ్రెగోరియన్ క్యాలెండర్ తేదీలు: ఏప్రిల్ 9(మంగళవారం) నుండి ఏప్రిల్ 12(శుక్రవారం) వరకు ఉంటుంది.ఇక శని-ఆదివారం వారాంతం కలుపుకుంటే ఇది ఆరు రోజులపాటు సెలవులు వచ్చే అవకాశం ఉన్నది.