‘సౌత్ క్వీన్’, ‘లేడీ సూపర్ స్టార్’.. అంటూ నయన తారను ఫ్యాన్స్ ముద్దుగా పిలుచుకుంటుంటారు. ‘సౌత్ క్వీన్’ ఓకే.! కానీ, లేడీ సూపర్ స్టార్ అని పిలిపించుకోవడం తనకు ఇష్టముండదని అలా పిలిస్తే తనను తిట్టినట్లుగా వుంటుందని సంచలన వ్యాఖ్యలు చేసింది నయన తార.

నయన తారకు సంబంధించిన ఏ న్యూస్ అయినా అదో సెన్సేషనే. అలాంటిది, ఇలాంటి సెన్సేషన్స్ ఆమెనే క్రియేట్ చేస్తే.. కానీ, ఈ మాటల పట్ల కొందరు నొచ్చుకుంటున్నారు.

లేడీ సూపర్ స్టార్ అని పిలిపించుకోవడమనేది అందరికీ జరిగేది కాదు. అదో ఉన్నతమైన గౌరవం. సీనియర్ నటి అయిన విజయ శాంతిని మాత్రమే ఇలా పిలిచే వారు.

ఇప్పుడు ఆ అపూర్వమైన గౌరవం నయన తారకు దక్కింది. కానీ, నన్ను అలా పిలవొద్దు.. అంటూ నయన్ చెప్పడం ఒకింత ఆశ్చర్యంగా వుంది.

అన్నట్లు నయన్‌ని అలా పిలవడం పట్ల కొందరు నటీమణులు కూడా కుళ్లుకుంటారు. అలాంటిది, తనకి తానే ఇలాంటి వ్యాఖ్యలు చేయడం పట్ల కొందరు అభ్యంతరం వ్యక్తం చేస్తున్నారు.

ఇంతవరకూ తెలుగు, తమిళ, ఇతర భాషల్లో నటించిన నయన తార ఇటీవలే ‘జవాన్’ సినిమాతో బాలీవుడ్‌లోనూ అడుగు పెట్టింది.