రియాద్: సౌదీ అరేబియా ప్రీమియం రెసిడెన్సీ సెంటర్ బుధవారం ఐదు వినూత్న ప్రీమియం రెసిడెన్సీ ఉత్పత్తులను ఆవిష్కరించింది. దేశాన్ని ప్రముఖ గ్లోబల్ హబ్‌గా నిలబెట్టడంతోపాటు నైపుణ్యం కలిగిన నిపుణులు, పెట్టుబడిదారులు మరియు వ్యవస్థాపకులను ఆకర్షించడం దీని లక్ష్యంగా పేర్కొన్నారు. స్పెషల్ టాలెంట్, గిఫ్టెడ్, ఇన్వెస్టర్, ఎంటర్‌ప్రెన్యూర్ మరియు రియల్ ఎస్టేట్ ఓనర్ రెసిడెన్సీ ఇలా ఐదు కొత్త ప్రీమియం రెసిడెన్సీ కేటగిరీలను ప్రకటించారు. ప్రతి కేటగిరీ నిర్దిష్ట రంగాలు, నైపుణ్యం సెట్‌లకు అనుగుణంగా రూపొందించారు. 'స్పెషల్ టాలెంట్' రెసిడెన్సీ ఆరోగ్య సంరక్షణ, సైన్స్ మరియు పరిశోధనలో ఎగ్జిక్యూటివ్‌లు మరియు నిపుణులను లక్ష్యంగా ప్రకటించారు. సౌదీ అరేబియా డైనమిక్ సాంస్కృతిక, క్రీడా రంగాలలో నైపుణ్యం కలిగిన నిపుణులను ఆకర్షించేందుకు 'గిఫ్టెడ్' రెసిడెన్సీని రూపొందించారు. 'ఇన్వెస్టర్' రెసిడెన్సీని పెట్టుబడుల ఆకర్షణ కోసం తీసుకొచ్చారు. 'ఎంట్రప్రెన్యూర్' రెసిడెన్సీ ప్రతిష్టాత్మక వ్యాపారవేత్తలు, వినూత్న ప్రాజెక్ట్ యజమానులను లక్ష్యంగా ప్రవేశపెట్టారు. చివరగా 'రియల్ ఎస్టేట్ ఓనర్' రెసిడెన్సీ అనేది సౌదీ అరేబియాలో ఆస్తిని కలిగి ఉన్న వారి కోసం, దేశం అభివృద్ధి చెందుతున్న రియల్ ఎస్టేట్ మార్కెట్ నుండి ప్రయోజనం పొందుతూ అసాధారణమైన జీవన నాణ్యతను ఆస్వాదించడానికి వీలుగా రూపొందించబడింది. వివిధ ప్రభుత్వ సంస్థల సహకారంతో అభివృద్ధి చేయబడిన ఈ ఉత్పత్తులు హోల్డర్‌లకు అనేక ప్రయోజనాలను అందిస్తాయి.