మైత్రీ మూవీస్ బ్యానర్‌లో విజయ్ దేవరకొండ ఓ సినిమా చేయాల్సి వుంది. అదే ‘హీరో’ సినిమా. ఈ సినిమా కొంత భాగం షూటింగ్ జరుపుకున్నాకా అటకెక్కేసింది. ఎందుకో తెలీదు కానీ, మధ్యలోనే ఈ ప్రాజెక్ట్ అర్ధాంతరంగా ఆగిపోయింది.

అలాగే, పూరీ డైరెక్షన్‌లో ‘జనగణమన’ సినిమా ఒకటి విజయ్ దేవరకొండ చేయాల్సి వుంది. అది కూడా ఆగిపోయింది.  ఇదే కాంబోలో వచ్చిన ‘లైగర్’ డిజాస్టర్ కావడంతో, ఈ ప్రాజెక్ట్ ఆగిపోయింది.

తాజాగా మళ్లీ ఇలాంటి న్యూసే ఇంకోటి సర్క్యులేట్ అవుతోంది. గౌతమ్ తిన్ననూరి కాంబినేషన్‌లో తెరకెక్కబోయే సినిమా కూడా ఆగిపోయిందనేదే ఈ ప్రచారం తాలూకు సారాంశం.

‘లైగర్’ డిజాస్టర్ విజయ్ దేవరకొండ కెరీర్‌ని బాగా దెబ్బ తిసేసింది. చాలా మంది హీరోలకి చాలా డిజాస్టర్లు కెరీర్‌లో ఎదురవుతుంటాయ్. కానీ, విజయ్ దేవరకొండకే ఎందుకిలా జరుగుతోంది. మొన్న వచ్చిన ‘ఖుషి’ ఏదో అలా మమ అనిపించాడంతే. జస్ట్ యావరేజ్ హిట్ లిస్టులోకే వెళ్లింది ఈ సినిమా కూడా. మరి తాజా ప్రచారంలో నిజమెంతో.!

మరోవైపు ఈ ప్రచారంలో నిజం లేదనీ, ఇదంతా ఫేక్ న్యూస్ అనీ అంటున్నారు. చూడాలి మరి. ఏం జరుగుతుందో.! ..