బహ్రెయిన్: రక్తంలో చక్కెర స్థాయిని తగ్గించడంలో దోహదపడే మౌంజారో టిర్జెపటైడ్ ఇంజెక్షన్‌ని ఉపయోగించడానికి నేషనల్ హెల్త్ రెగ్యులేటరీ అథారిటీ (NHRA) అనుమతించింది.  ఊబకాయం మరియు మధుమేహానికి సంబంధించిన దీర్ఘకాలిక వ్యాధుల చికిత్సకు దోహదపడే మెడిసిన్స్ పరిధిలోకి దీనిని చేర్చినట్లు NHRA తెలిపింది. మౌంజరో ఇంజెక్షన్ ఫార్మసీలలో అందుబాటులో ఉందని, డాక్టర్ ప్రిస్క్రిప్షన్‌లకు అనుగుణంగా.. అవసరమైన వైద్య పరీక్షలు చేయించుకున్న తర్వాత ఉపయోగించాలని సూచించింది.  బహ్రెయిన్ తన మార్కెట్‌లలో ఈ ఔషధాన్ని అందించిన మొదటి దేశాలలో ఒకటిగా పేర్కొంది. మౌంజారో సూది టైప్ 2 డయాబెటిస్ చికిత్సకు సమర్థవంతమైన ఇంజెక్షన్‌లలో ఒకటి కాబట్టి ఇది లైసెన్స్ పొందిందని NHRA తెలిపింది. ఇది A1Cని తగ్గించడానికి, బరువు తగ్గడానికి దోహదం చేస్తుందని పేర్కొంది.