గతంలో రిలీజైన ‘యాత్ర’ సినిమాకి సీక్వెల్‌గా తెరకెక్కుతోన్న సినిమానే ‘యాత్ర 2’. మహి.వి.రాఘవ ఈ సినిమాని తెరకెక్కించారు. మొదటి పార్ట్ దివంగత ఆంధ్ర ప్రదేశ్ ముఖ్యమంత్రి వైఎస్ రాజశేఖర్ రెడ్డి జీవితం ఆధారంగా తెరకెక్కించారు.

ఆయన పాదయాత్ర కీలకంగా ఆ సినిమా సాగింది. ముమ్ముట్టి లీడ్ రోల్ పోషించారు. ఆ సినిమాకి రెస్పాన్స్ ఓ మోస్తరుగానే వచ్చింది కానీ, ఇప్పుడు రూపొందిన ‘యాత్ర 2’ మొత్తం ప్రస్తుత ఆంధ్ర ప్రదేశ్ ముఖ్యమంత్రి వైఎస్ జగన్ జీవిత గాధ ఆధారంగా రూపొందించారు.

వైఎస్ జగన్‌పై ప్రస్తుతం జనంలో చాలా నెగిటివిటీ నెలకొంది. ఈ నేపథ్యంలో ఈ సినిమాని రిలీజ్ చేయడం ఎంతవరకూ సబబు.? అయితే, పొలిటికల్ హీట్ బాగా వున్న ఈ నేపథ్యమే.. రైట్ టైమ్ అనుకున్నారో ఏమో.. సినిమా రిలీజ్‌కి సర్వం సిద్ధం చేశారు.

ఫిబ్రవరి 8న ‘యాత్ర 2’ రిలీజ్‌కి సిద్ధమవుతోంది. జీవ ఈ సినిమాలో జగన్ మోహన్ రెడ్డి పాత్ర పోషించారు. పెద్దగా అంచనాల్లేవ్. కానీ, మహి. వి. రాఘవ మంచి విషయమున్న డైరెక్టర్. వైఎస్ జగన్ జీవితానికి సంబంధించి తెరపై తెలియని విషయాలేం ఆవిష్కరించాడో అని.. రాజకీయ ప్రముఖుల్లో ఒకింత ఉత్కంఠ నెలకొంది. చూడాలి మరి.