దుబాయ్: దుబాయ్‌లో పార్కింగ్ డిమాండ్ 2033 నాటికి 60 శాతం పెరుగుతుందని అంచనా వేస్తున్నట్లు పార్కిన్ కంపెనీ ( ఎమిరేట్‌లో చెల్లింపు పార్కింగ్ సౌకర్యాలు మరియు సేవలను అందించే అతిపెద్ద సంస్థ) తెలిపింది. ఈ డిమాండ్‌ను తీర్చడానికి ఎమిరేట్‌లో కొత్త చెల్లింపు స్థలాలను అభివృద్ధి చేయడం కంపెనీకి కీలకమని, నగరంలో ఎక్కువ చెల్లింపు పార్కింగ్ స్థలాలను అందుబాటులోకి తీసుకొచ్చేందుకు కృషి చేస్తున్నట్లు తెలిపింది. టారిఫ్ ఆప్టిమైజేషన్‌ను సమర్థవంతంగా అమలు చేయడం ద్వారా నిర్దిష్ట ప్రాంతాలలో ఆక్యుపెన్సీ రేట్ల ఆధారంగా కొన్ని ప్రామాణిక టారిఫ్ జోన్‌లను "ప్రీమియం"గా వర్గీకరించడం జరుగుతుందన్నారు. కంపెనీ ప్రకారం, నగరం విస్తరించే కొద్దీ దుబాయ్ అంతటా ప్రైవేట్ డెవలపర్‌లతో ప్రస్తుత ఒప్పందాలను విస్తరించడానికి మరియు కొత్త వాటిని ఏర్పాటు చేయడానికి మల్టీ అవకాశాలను కూడా అందిస్తోందని వెల్లడించింది. ప్రస్తుతం ఉచిత పార్కింగ్‌ను అందిస్తున్న అన్ని ప్రాంతాలు  ఉచితంగానే ఉంటాయని, వాటిని పెయిడ్ పార్కింగ్ గా మార్చే నిర్ణయం రోడ్లు మరియు రవాణా అథారిటీ (RTA) తీసుకోవాల్సి ఉంటుందని సీనియర్ అధికారి తెలిపారు. పెయిడ్ పార్కింగ్‌ని అమలు చేయడం డిమాండ్‌పై ఆధారపడి ఉంటుందని పార్కిన్స్ బోర్డ్ ఆఫ్ డైరెక్టర్స్ చైర్మన్ అహ్మద్ హషేమ్ బహ్రోజియాన్ అన్నారు. పార్కిన్ RTAతో 49-సంవత్సరాల రాయితీ ఒప్పందాన్ని కలిగి ఉందని, ఇది మొత్తం చెల్లించే పబ్లిక్ ఆన్-స్ట్రీట్ పార్కింగ్‌ను నిర్వహించడానికి కంపెనీకి ప్రత్యేక హక్కులను ఇస్తుందని తెలిపారు. పార్కిన్ ప్రారంభ పబ్లిక్ ఆఫర్ (IPO) తో కొనసాగాలని, దుబాయ్ ఫైనాన్షియల్ మార్కెట్ (DFM)లో ట్రేడింగ్ కోసం దాని సాధారణ షేర్లను జాబితా చేయాలనుకుంటున్నట్లు వెల్లడించారు. డిసెంబర్ 31 నాటికి పార్కిన్ దుబాయ్‌లో దాదాపు 197,000 చెల్లింపు పార్కింగ్ స్థలాలను నిర్వహించింది.