మెగా పవర్ స్టార్ గ్లోబల్ స్టార్ రామ్ చరణ్ నటిస్తున్న తాజా సినిమా ‘గేమ్ ఛేంజర్‌’కి లీకుల బెడద తప్పడం లేదు. ప్రస్తుతం ఈ సినిమా వైజాగ్‌లో షూటింగ్ జరుపుకుంటోంది.
ఈ నేపథ్యంలో కొన్ని లీక్డ్ ఫోటోలు నెట్టింట్లో వైరల్ అవుతున్నాయ్. గతంలోనూ ఇలాగే ఈ సినిమాకి సంబంధించిన ఫోటోలు లీక్ అయిపోయాయ్. సినిమాకి సీక్రెట్ రోల్ అయిన రామ్ చరణ్ ఫ్లాష్ బ్యాక్ రోల్, గెటప్ అలాగే తెలిసిపోయింది.
ఇప్పుడు ఇంకోసారి. ఇంతవరకూ ఈ సినిమా నుంచి ఏ ఒక్క అప్డేట్ అఫీషియల్‌గా రిలీజ్ చేసింది లేదు. కానీ, లీకుల రూపంలో దాదాపు చాలానే అప్డేట్స్ బయటికొచ్చేశాయ్.
పొలిటికల్ టిపికల్ డ్రామాగా రూపొందుతోన్న ఈ సినిమాకి శంకర్ దర్శకుడు. కియారా అద్వానీతో పాటూ, అంజలి హీరోయిన్లుగా నటిస్తున్నారు. అలాగే, తమిళ నటుడు ఎస్.జె.సూర్య తదితరులు ఇతర కీలక పాత్రలు పోషిస్తున్నారు.
తాజాగా లీక్ అయిన ఫోటోల్లో ఎస్.జె.సూర్యకి సంబంధించిన గెటప్ కూడా లీక్ అయినట్లు తెలుస్తోంది.