కువైట్: కువైట్‌లో ఇటీవల ప్రకటించిన అమ్నెస్టీ పథకం కింద పాస్‌పోర్ట్ కోల్పోయిన వారు భారతదేశానికి తిరిగి రావడానికి ఎమర్జెన్సీ సర్టిఫికేట్‌లను పొందే విధానాన్ని వివరిస్తూ కువైట్‌లోని భారత రాయబార కార్యాలయం ఒక సలహాను జారీ చేసింది. ఎంబసీ జారీ చేసిన సలహా ప్రకారం.. BLS ద్వారా నిర్వహించబడే ఇండియన్ కాన్సులర్ అప్లికేషన్ సెంటర్‌లలో ఎమర్జెన్సీ సర్టిఫికెట్‌ల (EC) కోసం దరఖాస్తు చేసుకోవడానికి టోకెన్‌లు జారీ చేస్తున్నారు. ఇప్పటికే EC ఫారమ్‌లను పూరించి, ఎంబసీ నుండి టోకెన్‌లను పొందిన వారు EC రుసుముతో EC దరఖాస్తును సమర్పించడానికి టోకెన్‌లో పేర్కొన్న తేదీలో BLS కేంద్రాలను సందర్శించాలని సూచించారు. మార్చి21 - ఏప్రిల్‌ 8 కు సంబంధించిన అన్ని టోకెన్‌లు ఇప్పటికే పూర్తయినట్లు తెలిపారు.  ఇకపై, టోకెన్‌లు 3 BLS కేంద్రాలలో మాత్రమే జారీ చేయబడతాయని తెలిపారు.

ఎంబసీ/ BLS నుండి టోకెన్ లేని కొత్త దరఖాస్తుదారులు.. తదుపరి అందుబాటులో ఉన్న తేదీల కోసం EC ఫారమ్‌ల సమర్పణ కోసం టోకెన్‌ను పొందడానికి అన్ని పని దినాల్లో (శుక్రవారం మినహా) మధ్యాహ్నం 2pm-4pm వరకు మాత్రమే BLS కేంద్రాలను సందర్శించాలని సూచించారు.  ముందస్తు టోకెన్లు తీసుకోని వారికి  ఏప్రిల్ 8 తర్వాత అవకాశం కల్పిస్తారు. దరఖాస్తుదారు అన్ని వివరాలను సరిగ్గా పూరించారని నిర్ధారించుకోవాలి, లేకుంటే దరఖాస్తు అంగీకరించబడదని స్పష్టం చేశారు. అలాగే పాస్‌పోర్ట్ గడువు ముగిసినట్లయితే, అమ్నెస్టీ స్కీమ్ కింద అపరాధ రుసుము చెల్లించడం ద్వారా కువైట్‌లో ఉండటానికి పాస్‌పోర్ట్‌లను మళ్లీ జారీ చేయడానికి దరఖాస్తు చేసుకోవాలనుకుంటే, దయచేసి మీ కొత్త స్పాన్సర్ మరియు కొత్త స్పాన్సర్ సివిల్ ID సంతకం చేసిన నిర్దేశిత అండర్‌టేకింగ్‌తో BLS సెంటర్‌లలో ఒకదాన్ని సందర్శించవచ్చని తెలిపారు.

కువైట్‌లోని ఇండియన్ కాన్సులర్ అప్లికేషన్ సెంటర్‌ల చిరునామాలు క్రింది విధంగా ఉన్నాయి:

i. M/S BLS ఇంటర్నేషనల్ లిమిటెడ్, కువైట్ సిటీ

3వ అంతస్తు, అల్ జవరా టవర్, ఇండిగో ఎయిర్‌లైన్స్ యొక్క అదే భవనం, అలీ అల్ సలేం వీధి, కువైట్ సిటీ, కువైట్

ii. M/S BLS ఇంటర్నేషనల్ లిమిటెడ్, జ్లీబ్ అల్ షౌయఖ్

నెస్టో హైపర్‌మార్కెట్ భవనం (పాత ఆలివ్ హైపర్‌మార్కెట్), M అంతస్తు, జ్లీబ్ అల్ షువైఖ్, కువైట్

iii. M/S BLS ఇంటర్నేషనల్ లిమిటెడ్, ఫహాహీల్

అల్ అనౌద్ షాపింగ్ కాంప్లెక్స్, M ఫ్లోర్, మెక్కా స్ట్రీట్, ఫహాహీల్, కువైట్

మరిన్ని వివరాల కోసం మీరు ICACని +965-65506360 (Whatsapp) మరియు +965-22211228 (కాల్ సెంటర్)లో సంప్రదించవచ్చు.

--దివాకర్(మాగల్ఫ్ ప్రతినిధి,కువైట్)