పౌరాణిక చిత్రాలంటే తెలుగువారికి టక్కున గుర్తొచ్చే పేరు ఎన్టీఆర్‌. ఆయన నట వారసుడిగా తనకంటూ ఇమేజ్‌ను ఏర్పాటు చేసుకున్నారు నందమూరి బాలకృష్ణ. జయాపజయాలతో సంబంధం లేకుండా చిత్రాలు చేస్తూ ముందుకు సాగుతున్నారు. విభిన్న పాత్రలు చేయడానికి ఎప్పుడూ ముందుండే బాలకృష్ణ.. తన సినీ ప్రయాణంలో కథానాయకుడిగా 100వ మైలురాయి చేరుకున్నారు. క్రిష్‌ దర్శకత్వంలో ఆయన కథానాయకుడిగా తెరకెక్కుతున్న చారిత్రక చిత్రం 'గౌతమిపుత్ర శాతకర్ణి'. శుక్రవారం బాలకృష్ణ పుట్టిన రోజు సందర్భంగా చిత్ర బృందం 'గౌతమిపుత్ర...' ఫస్ట్‌లుక్‌ను విడుదల చేసింది.ఇందులో బాలకృష్ణ టైటిల్‌ రోల్‌ పోషిస్తున్నారు.ఆయన సరసన శ్రియను చిత్ర బృందం ఇటీవలే ఎంపిక చేసింది. ఈ చిత్రానికి దేవిశ్రీ ప్రసాద్‌ స్వరాలు సమకూరుస్తున్నారు. పోస్టర్‌పై హ్యాపీబర్త్‌డే 'బసవతారకరామపుత్ర బాలకృష్ణ' అంటూ యూనిట్‌ ఆయనకు పుట్టిన రోజు శుభాకాంక్షలు తెలిపింది.