యూజర్ల సౌలభ్యానికి అనుగుణంగా ఎప్పటికప్పుడు మార్పులు చేర్పులు చేసుకుంటూ వస్తోంది ప్రముఖ సోషల్‌ మీడియా సంస్థ ఫేస్‌బుక్‌. తాజాగా.. యూజర్‌ పోస్టుల కోసం సరికొత్త ఫీచర్‌ను రూపొందిస్తోంది. ట్విట్టర్‌ తరహాలో న్యూస్‌ఫీడ్‌లో మాత్రమే పోస్టులు కన్పించేలా ఓ కొత్త ఆప్షన్‌ను తీసుకురానుంది.
సాధారణంగా యూజర్‌ చేసే పోస్టులు న్యూస్‌ఫీడ్‌తో పాటు.. వ్యక్తిగత టైమ్‌లైన్‌లోనూ కన్పిస్తాయి. ఒకవేళ టైమ్‌లైన్‌లో నుంచి తీసేయాలంటే ప్రత్యేకంగా దాన్ని హైడ్‌ చేయాల్సి ఉంటుంది. అయితే ఈ కొత్త 'హైడ్‌ ఫ్రమ్‌ టైమ్‌లైన్‌' అనే ఫీచర్‌ ద్వారా షేర్‌ చేసిన పోస్టులు కేవలం న్యూస్‌ఫీడ్‌లో మాత్రమే కన్పిస్తాయట.
ప్రస్తుతం ఈ ఫీచర్‌ టెస్టింగ్‌ దశలో ఉంది. త్వరలోనే దీన్ని అందుబాటులోకి తీసుకురానున్నారు.