ప్రబాస్ నటిస్తున్న ‘కల్కి 2898 ఏడి’ సినిమా జూన్‌లో రిలీజ్‌కి సిద్ధంగా వున్న సంగతి తెలిసిందే. ఈ నేపథ్యంలో సినిమా ప్రమోషన్లు స్టార్ట్ అయ్యాయ్. రీసెంట్‌గా జరిగిన ఈవెంట్‌లో భాగంగా సినిమాలో ప్రబాస్ యూజ్ చేయబోయే ప్రత్యేకమైన కారును ప్రదర్శనకు పెట్టారు.

ఆ కారును ప్రమోట్ చేసేందుకు ఓ ప్రత్యేకమైన వీడియో రిలీజ్ చేయడం.. అలాగే దాని చుట్టూ ప్రమోషన్లు చేయడంలాంటివి చేస్తున్నారు.

ఈ కారును ఇక్కడా అక్కడా అనే తేడా లేకుండా ప్రపంచం మొత్తం తిప్పేసేలా వున్నారు. ప్రస్తుతం చెన్నై రోడ్లపై ఈ కారు చక్కర్లు కొడుతోంది.

భైరవ పాత్ర పోషిస్తున్న ప్రబాస్ మాత్రం ఈ ప్రమోషన్లలో కనిపించడం లేదు. సాధారణంగానే ప్రబాస్ సినిమా ప్రమోషన్లలో తక్కువగా కనిపిస్తుంటాడు. మరి, లార్జ్ స్కేల్ మూవీ ‘కల్కి’లో ప్రబాస్ ప్రమోషన్ల పాత్ర ఎంత మేర వుండబోతోందో చూడాలిక.

ఇకపోతే, ఈ సినిమాని వైజయంతీ మూవీస్ బ్యానర్‌లో నాగ్ అశ్విన్ తెరకెక్కించారు. దీపికా పదుకొనె, దిశా పటానీ, అమితాబ్ బచ్చన్, కమల్ హాసన్ తదితరులు కీలక పాత్రలు పోషిస్తున్నారు. ఫ్యూచర్ టైమ్ ట్రావెల్ నేపథ్యంలో ఈ సినిమా తెరకెక్కింది.