యూఏఈ: నిషేధించబడిన ఇరాకీ గగనతలంలో అమెరికన్ చౌక విమానయాన సంస్థ జెట్‌బ్లూ ఎయిర్‌వేస్ డిజిగ్నేటర్ కోడ్‌ను కలిగి ఉన్న విమానాలను నడిపినందుకు జరిమానాను స్వీకరించింది. అనంతరం ఎమిరేట్స్ యూఎస్ రవాణా శాఖ (DOT)తో ఒక ఒప్పందాన్ని కుదుర్చుకుందని, దుబాయ్‌కి చెందిన విమానయాన సంస్థ ధృవీకరించింది. డిసెంబరు 2021 మరియు ఆగస్టు 2022 మధ్యకాలంలో జెట్‌బ్లూ మార్కెటింగ్ కోడ్‌ను కలిగి ఉండగా, ఎమిరేట్స్ నిర్వహిస్తున్న 122 విమానాలు ఈ ఘటనల్లో పాల్గొన్నాయని ఎమిరేట్స్ ప్రతినిధి తెలిపారు.

"యుఎస్ ఎయిర్ క్యారియర్ కోడ్‌ను కలిగి ఉన్న విమానయాన సంస్థలు ఇరాకీ గగనతలంలో ఉన్నప్పుడు 32,000 అడుగుల దిగువన పనిచేయకుండా నిరోధించే స్పెషల్ ఫెడరల్ ఏవియేషన్ రెగ్యులేషన్స్ (SFAR) ఉల్లంఘనకు సంబంధించి మేము US DOTతో ఒక ఒప్పందానికి వచ్చాము" అని ఎయిర్‌లైన్ ప్రతినిధి తెలిపారు. 32,000 అడుగుల ఎత్తులో లేదా అంతకంటే ఎక్కువ ఎత్తులో ఉన్న 122 విమానాలను నడపాలని భావిస్తున్నట్లు ఎమిరేట్స్ స్పష్టం చేసింది. అయితే ఎయిర్ ట్రాఫిక్ కంట్రోల్ (ATC) ఆదేశాల కారణంగా పైలట్లు నిషేధిత ప్రాంతంలోకి దిగాల్సి వచ్చింది. “మా పైలట్‌లు ATC సూచనలను సక్రమంగా అనుసరించారు. భద్రతా కారణాల దృష్ట్యా అంతర్జాతీయ విమానయాన నిబంధనలతో పూర్తిగా తీసుకున్న నిర్ణయం అది. ఎమిరేట్స్ ప్రాధాన్యత ఎల్లప్పుడూ మా ప్రయాణీకులు, ఉద్యోగుల భద్రత, ”అని ఎయిర్‌లైన్ ప్రతినిధి చెప్పారు.

ఇదిలా ఉండగా, నిషేధిత గగనతలంలో జెట్‌బ్లూ ఎయిర్‌వేస్ యొక్క డిజినేటర్ కోడ్‌ను మోసుకెళ్లిన విమానాలను నడిపినందుకు ఎమిరేట్స్‌కు యూఎస్ రవాణా శాఖ గురువారం $1.5 మిలియన్ జరిమానా విధించింది. డిసెంబరు 2021 మరియు ఆగస్టు 2022 మధ్యకాలంలో ఫెడరల్ ఏవియేషన్ అడ్మినిస్ట్రేషన్ యూఎస్ ఆపరేటర్లకు నిషేధించిన గగనతలంలో యునైటెడ్ అరబ్ ఎమిరేట్స్, యునైటెడ్ స్టేట్స్ మధ్య జెట్‌బ్లూ ఎయిర్‌వేస్ కోడ్‌ను కలిగి ఉన్న గణనీయమైన సంఖ్యలో విమానాలను ఎమిరేట్స్ నడిపిందని డిపార్ట్‌మెంట్ తెలిపింది.  ఎమిరేట్స్ 2020 ఆర్డర్ ప్రకారం.. $200,000 మరియు ఒక సంవత్సరంలో ఆర్డర్‌ను ఉల్లంఘిస్తే మరో $200,000 చెల్లించాలని ఆదేశించారు.  విమానాలు బాగ్దాద్ ఫ్లైట్ ఇన్ఫర్మేషన్ రీజియన్‌ను నిర్దిష్ట ఎత్తుల కంటే తక్కువగా ప్రయాణించాయని డిపార్ట్‌మెంట్ తెలిపింది. ఎమిరేట్స్ ఒక సంవత్సరం లోపు మళ్లీ నిబంధనలను ఉల్లంఘిస్తే మరో $300,000 జరిమానా చెల్లించాల్సి ఉంటుందని పేర్కొన్నారు.