ఎట్టకేలకు భారీ అంచనాల నడుమ రిలీజ్ అయిన ‘కల్కి 2898 ఏడీ’ సినిమా మంచి టాక్‌తో రన్ అవుతోంది. మంచి ఓపెనింగ్స్ రావడం, అనుకున్న అంచనాల్ని అందుకోవడంతో ‘కల్కి’ నిలదొక్కుకోవడం ఖాయమే అని ట్రేడ్ పండితులు ఓ అంచనాకి వచ్చేశారు.

ఆ సంగతి అటుంచితే, నాగ అశ్విన్ తాజాగా ‘కల్కి’ విషయమై ఓ అప్డేట్ ఇచ్చారు. అదేంటంటే ‘కల్కి’ ఇంతటితో ఆగేది కాదట. రెండు కాదు, మూడు కాదు నాలుగు కాదు.. ఏకంగా 8 పార్టులుగా  ఈ సినిమా తెరకెక్కిస్తాడట.

మొదటి పార్ట్‌కి సీక్వెల్ హింట్ ఎలాగూ వదిలేశారు రెండో పార్ట్‌లో భైరవ (ప్రబాస్), సుమతి (దీపికా పదుకొనె) ఏమయ్యారో తెలుస్తుంది. అలాగే సుమతి సీరమ్ తీసుకున్న సుప్రీం యాష్కిన్ (కమల్ హాసన్) నెక్స్‌ట్ లెవల్ పవర్ ఏంటనే యాంగిల్ చుట్టూ రెండో పార్ట్ స్టోరీ నడవనుందని మొదటి పార్ట్ చివరిలో లీడ్ వదిలిపెట్టాడు నాగ్ అశ్విన్.

సో, ఈ రెండు పార్టుల్లోనూ ప్రబాస్ హీరోగా, కమల్ హాసన్ విలన్‌గా నటించనున్నారు ఇది పక్కా. అయితే, మూడో పార్ట్ నుంచి హీరోలు మారే అవకాశముందట. అలాగే విలన్ రోల్ కూడా మారనుందట. మరి, ఆయా పార్టుల్లో ఏ రేంజ్ టెక్నాలజీని పరిచయం చేస్తాడో నాగ్ అశ్విన్ చూడాలిక. ఈ ప్రచారం మాత్రం ‘కల్కి’పై ఫ్యూచర్ ఇంట్రెస్ట్‌ని సరికొత్తగా క్రియేట్ చేస్తోంది.