పవన్ కళ్యాణ్‌తో ‘ఉస్తాద్ భగత్ సింగ్’ సినిమా తెరకెక్కించాల్సి వుంది. అయితే, పవన్ కళ్యాణ్ రాజకీయ సమీకరణాల నేపథ్యంలో ఆ సినిమా షూటింగ్ వాయిదా పడింది. 

దాంతో, ఆలస్యం చేయకుండా మాస్ రాజా రవితేజతో ‘మిస్టర్ బచ్చన్’ సినిమా పట్టాలెక్కించేశాడు హరీష్ శంకర్.

రీమేక్ మూవీనే కాబట్టి, అనుకున్నదే తడవుగా  ఈ సినిమాని జెట్ స్పీడుతో పూర్తి చేసేస్తున్నాడు కూడా. ఈ లోగా మెగాస్టార్ చిరంజీవికి ఓ స్టోరీ నెరేట్ చేశాడట.

ఆ స్టోరీ పట్ల చిరంజీవి కూడా సుముఖత వ్యక్తం చేస్తున్నట్లుగా తెలుస్తోంది. ఎలాగూ పవన్ కళ్యాణ్‌తో సినిమా ఇప్పట్లో వుండేలా లేదు. సో, ‘మిస్టర్ బచ్చన్’ తర్వాత వెంటనే మెగాస్టార్ చిరంజీవితో ఓ సినిమా తీసేసేలా ప్లాన్ చేస్తున్నాడట హరీష్ శంకర్.

‘విశ్వంభర’ సినిమా తర్వాత చిరంజీవి కాస్త రిలాక్స్ కానున్నారు. ఆ గ్యాప్‌లో హరీష్ శంకర్ స్ర్కిప్టు ఫైనల్ చేస్తే, ఈ ప్రాజెక్ట్ పట్టాలెక్కేయడం ఖాయం. అయితే, ఇదంతా జరగాలంటే వచ్చే ఏడాది వరకూ ఆగాల్సిందే. అప్పటికి కానీ అటు చిరంజీవి, ఇటు హరీష్ శంకర్ ప్రస్తుతం తమ ప్రాజెక్టుల నుంచి ఖాళీ అయ్యేది లేదుగా.!