బెల్లంకొండ సాయి శ్రీనివాస్ హంగామా కాస్త తగ్గింది. మొదట్లో ఏడాదికో సినిమా చేసిన బెల్లంకొండ కుర్రోడు ఈ మధ్య లాంగ్ గ్యాప్ తీసుకున్నాడు. వరుసగా 10 సినిమాలు చేసేసిన బెల్లంకొండ శ్రీనివాస్ అందులో నాలుగైదు చెప్పుకోదగ్గ సినిమాలు లేకపోలేదు. అలాగే కొన్ని సెన్సేషన్ విజయాలు కూడా లేకపోలేదు.

తాజాగా తన 11 వ చిత్రాన్ని పట్టాలెక్కించేందుకు సిద్ధమయ్యాడు. కౌశిక్ అనే కొత్త కుర్రోడు తెరకెక్కిస్తున్న సినిమాలో బెల్లంకొండ సాయి శ్రీనివాస్ నటిస్తున్నాడు. సాహు గారపాటి ఈ సినిమాని నిర్మిస్తున్నారు.

వెరీ లేటెస్ట్‌గా ఈ సినిమా పూజా కార్యక్రమాలతో ప్రారంభమైంది. వెలుగుకీ, చీకటికీ మధ్య జరిగే సంగ్రామంగా ఈ సినిమా కథ గురించి గతంలోనే హింట్ ఇచ్చారు.

సస్పెన్స్ థ్రిల్లింగ్ అంశాలతో పాటూ, కొన్ని హారర్ అంశాలను కూడా ఈ సినిమాలో జోడించినట్లు తెలుస్తోంది. అయితే, ఓ డిఫరెంట్ హారర్ జోనర్‌గా ఈ సినిమాని అభివర్ణిస్తున్నారు. ఆల్రెడీ రిలీజ్ చేసిన పోస్టర్‌ ఆసక్తికరంగా వుంది.

‘రాక్షసుడు’ సినిమా తర్వాత అనుపమా పరమేశ్వరన్, బెల్లంకొండ శ్రీవివాస్ ఈ సినిమా కోసం మళ్లీ జత కడుతున్నారు. చూడాలి మరి బెల్లంకొండకి ఈ హారర్ జోనర్ ఎంత మేర కలిసొస్తుందో.!