దోహా: ప్రపంచ నాణ్యతా ప్రమాణాలకు అనుగుణంగా సంరక్షణను అందించేందుకు మెడికల్ కేర్ అండ్ రీసెర్చ్ సెంటర్ (MCRC) ను హమద్ మెడికల్ కార్పొరేషన్ (HMC)  ప్రారంభించనుంది.  కొత్త 250 పడకల ఈ కేంద్రం ఇన్‌పేషెంట్‌లకు అద్భుతమైన వైద్య సేవలను అందించనుంది. క్లినికల్ ప్రెసిషన్ మెడిసిన్,  జెనోమిక్స్ ద్వారా చికిత్సా పద్ధతులను ప్రోత్సహించే లక్ష్యంతో ఈ కేంద్రాన్ని ఏర్పాటు చేస్తున్నారు.  ఔషధం రంగంలో క్లినికల్ ట్రయల్స్‌కు మద్దతు ఇవ్వడం, రోగి భద్రతపై ప్రాథమిక దృష్టితో పరిశోధన మరియు క్లినికల్ ట్రయల్స్ నిర్వహించడంలో కేంద్రం పరిశోధకులు మరియు వైద్యులకు మద్దతుగా నిలువనుంది.   

దోహాలోని హమద్ బిన్ ఖలీఫా మెడికల్ సిటీలో ఉన్న మెడికల్ కేర్ అండ్ రీసెర్చ్ సెంటర్‌లో నాలుగు అంతస్తులు,  గ్రౌండ్ ఫ్లోర్ ఉన్నాయి. అనేక సింగిల్ మరియు షేర్డ్ పేషెంట్ రూమ్‌లు, ఐసోలేషన్ రూమ్‌లు, సీటింగ్ మరియు మొబిలిటీ క్లినిక్ ఉన్నాయి. MCRC మూడు ప్రత్యేక సంరక్షణ ఆసుపత్రులకు ఇంటర్నల్ వంతెన ద్వారా అనుసంధానించారు. ఉమెన్స్ వెల్నెస్ మరియు రీసెర్చ్ సెంటర్, అంబులేటరీ కేర్ సెంటర్ మరియు ఖతార్ పునరావాస సంస్థలను కలుపుతూ ప్రత్యేక కారిడార్ ఏర్పాటు చేశారు. అత్యాధునిక పరిశోధన మరియు ఆవిష్కరణలతో పాటు, MCRC పీడియాట్రిక్ ఇంటెన్సివ్ కేర్ యూనిట్ (PICU), హై డిపెండెన్సీ యూనిట్ (HDU), పీడియాట్రిక్ డేకేర్ యూనిట్ మరియు పీడియాట్రిక్ వార్డుతో పిల్లలకు అత్యధిక నాణ్యతతో కూడిన సంరక్షణను అందిస్తుంది. MCRC అక్యూట్ జెరియాట్రిక్స్ యూనిట్‌ వృద్ధాప్య రోగులలో తీవ్రమైన అనారోగ్యాల పెరుగుదలను పరిష్కరిస్తుంది. ఆధునిక పాలియేటివ్ కేర్ యూనిట్ రోగులకు మరియు వారి కుటుంబాలకు ఓదార్పునిచ్చే వాతావరణాన్ని అందిస్తుంది.  ఈ కేంద్రంలో ఫార్మసీ, రోగుల రవాణా కోసం అంబులెన్స్ ర్యాంప్, ఇన్‌పేషెంట్ ఫిజియోథెరపీ జిమ్, వేర్వేరుగా మేల్ ఫీమేల్  వెయిటింగ్ ఏరియాలు ఉన్నాయని  HMC చీఫ్ మెడికల్ ఆఫీసర్ డాక్టర్ అబ్దుల్లా అల్ అన్సారీ తెలిపారు.