ప్రపంచాన్ని వణికిస్తున్న ఇస్లామిక్ స్టేట్ ఆఫ్ ఇరాక్ అండ్ సిరియా (ఐఎస్ఐఎస్)కు తేరుకోలేని ఎదురుదెబ్బ తగినట్టు తెలుస్తోంది. అమెరికా సారథ్యంలోని సంకీర్ణ బలగాలు సాగిస్తున్న వైమానిక దాడుల్లో ఐఎస్ చీఫ్ అబు బక్ర్ అల్ బగ్దాదీ ప్రాణాలు కోల్పోయినట్టు తెలుస్తోంది.
ఇరానియన్ ప్రభుత్వ మీడియా, ప్రభుత్వ అనుకూల టర్కిష్ దినపత్రిక యెనిస్ సఫక్ కథనం ప్రకారం ఆదివారం ఉత్తర సిరియాలోని రక్కాలో జరిగిన వైమానిక దాడిలో బగ్దాదీ మరణించినట్లు సమాచారం.
ఇరాకీ టీవీ చానల్ అల్ సుమరియా కథనం ప్రకారం ఆదివారం జరిగిన వైమానిక దాడిలో బగ్దాదీ గాయపడినట్లు తెలుస్తోంది. ఈ దాడి మోసుల్ నగరం నుంచి 65 కి.మీ. దూరంలో జరిగినట్లు ఆ ఛానల్ పేర్కొంది.
ఈ కథనాలపై అమెరికా నేతృత్వంలోని కూటమి స్పందించలేదు.