గోంగూర అంటే తెలుగు వారికి :ఎంతో అభిమానం. ఆ అభిమానానికి కారణం అందులోని ఔషధ గుణాలే. గోంగూరలో కావల్సినంత ఫైబర్, ఐరన్ వుంటుంది. అందుకే ఆరోగ్యానికి చాలా మంచిది.

ముఖ్యంగా శరీరంలో ఎక్కడైనా వాపులుంటే గోంగూర తింటే మంచిదని నిపుణులు చెబుతున్నారు. ఏ ఇతర కారణాల వల్లనైనా శరీరంలో నీరు చేరినట్లయితే గోంగూర తింటే తగ్గిపోతుంది.

విరేచనాలు (లూజ్ మోషన్స్) అవుతున్నా.. కొండ గోంగూరను నీటితో కలిపి తాగితే విరేచనాలు కంట్రోల్‌లోకి వస్తాయ్ అలాగే డైలీ డైట్‌లో గోంగూరను చేర్చుకుంటే మలబద్ధకం సమస్యలు నియంత్రణలో వుంటాయ్. కాల్షియం పాళ్లు కూడా గోంగూరలో అధికంగా వుంటాయ్. అందుకే ఎముకలు ధృడంగా వుండాలన్నా గోంగూర తింటే మంచిదని చెబుతున్నారు.
అయితే, కిడ్నీ సంబంధిత వ్యాధులున్న వాళ్లు గోంగూరకు కాస్త దూరంగా వుండాలని సూచిస్తున్నారు. కిడ్నీలో రాళ్లు గట్రా వున్నవాళ్లు గోంగూరను లైట్‌గా తీసుకోవాలి.
గోంగూరలో ఐరన్ ఎక్కువగా వుండడం వల్ల రాత్రి పూట కాస్త తక్కువగా తింటే మంచిది. లేదంటే జీర్ణ సమస్యలు తలెత్తే అవకాశాలున్నాయ్.