దుబాయ్: సౌదీ ఫుట్‌బాల్ క్రీడాకారుడు ఫహద్ అల్ మువాలాద్ సెప్టెంబర్ 12న యూఏఈ విహారయాత్రలో ఉండగా ప్రమాదం చోటుచేసుకుంది. దుబాయ్ లోని ఇంటి బాల్కనీ నుండి పడిపోవడంతో తీవ్ర గాయాలు కాగా, ప్రస్తుతం ఇంటెన్సివ్ కేర్‌లో చికిత్స పొందుతున్నాడు. అతను రెండవ అంతస్తులోని బాల్కనీ నుండి కిందపడినట్టు ప్రాథమిక దర్యాప్తులో తేలిందని దుబాయ్ పోలీసులు ఒక ప్రకటనలో  తెలిపారు.  దర్యాప్తు ఇంకా కొనసాగుతోందని వెల్లడించారు.   అల్ మువాలాద్ అల్ షబాబ్ ఫుట్‌బాల్ క్లబ్‌కు వింగర్, సౌదీ జాతీయ జట్టులో ఉన్నాడు.  ఇదిలా ఉండగా, ఫహద్ త్వరగా కోలుకోవాలని క్రీడా మంత్రి, ప్రిన్స్ అబ్దుల్ అజీజ్ బిన్ తుర్కీ అల్-ఫైసల్, సౌదీ ఫుట్‌బాల్ ఫెడరేషన్, అబుదాబిలోని సౌదీ ఎంబసీ, దుబాయ్‌లోని కాన్సులేట్ జనరల్ ఆకాక్షించారు. అల్ మువాలాద్ సౌదీ అరేబియా తరఫున 74 మ్యాచులు ఆడి, 17 గోల్స్ సాధించాడు.