డాన్స్ అంటే చిరంజీవి, చిరంజీవి అంటే డాన్స్.. అంతలా డాన్స్‌పై ఓ చెరగని ముద్ర వేసేశారు మెగాస్టార్ చిరంజీవి. అంతేకాదు, స్టైల్‌లోనూ చిరంజీవి రూటే సెపరేటు. ట్రెండ్ సెట్టర్ ఆయన.
నువ్వేమైనా చిరంజీవివనుకుంటున్నావేంట్రా.! అనేవారు ఎవరైనా స్టైల్ కటింగ్స్ ఇస్తే.! అలా చిరంజీవిని తమదైన జీవన శైలిలో మమేకం చేసుకన్నారు అభిమానులు.
అందుకే ఆయన గొప్పతనాన్ని గిన్నీస్ బుక్ కూడా గుర్తించింది. 150 సినిమాల్లో ఆయన చేసిన డాన్స్‌లను గొప్పగా పొగిడేస్తూ.. తన పుస్తకంలో ఓ పేజీని చిరు కానుకగా చిరంజీవికిచ్చేసింది.
చిరంజీవికి అవార్డులు, రివార్డులు కొత్తేం కాదు. ఏ అవార్డు ఆయనకు దక్కినా ఆ అవార్డుకే అందం, అసలైన గౌరవం అనేంతలా ఆ అవార్డు గొప్పతనం పెరిగిపోతుంటుంది. అలాగే ఇప్పుడు గిన్నీస్ బుక్ ఆఫ్ రికార్డు కూడా ఆకాశమంత ఎత్తు ఎదిగిపోయింది.
ఈ అవార్డు తనకు దక్కినందుకు ఎంతో సంతోషంగా వుందంటూ, చిరంజీవి ఫ్యాన్స్‌నుద్దేశించి ఈ సందర్భంగా వ్యాఖ్యానించారు. ఈ సందర్భంగా చిరంజీవికి పలువురు శుభాకాంక్షలు తెలుపుతూ సోషల్ మీడియా వేదికగా విషెస్ పంపుతున్నారు.