యూఏఈ: సెప్టెంబరు 1న యూఏఈ వీసా క్షమాభిక్ష ప్రారంభమైనప్పటి నుండి చట్టవిరుద్ధంగా ఉంటున్న వేలాది మంది ఓవర్‌స్టేయర్‌లకు పాస్‌లు మంజూరు చేశారు. మౌంటింగ్ జరిమానాలు మాఫీ చేశారు. పెనాల్టీలు క్లియర్ అయ్యాయి. వీసా ఉల్లంఘించిన వారికి ఎమిరేట్స్‌లో లేదా స్వదేశానికి తిరిగి వెళ్లే అవకాశం కల్పించారు. ఈ పథకం అక్టోబర్ నెలాఖరు వరకు కొనసాగుతుంది. అధికారులు ప్రక్రియను మరింత సులభతరం చేయడానికి, కొనసాగుతున్న వీసా అమ్నెస్టీ ప్రోగ్రామ్‌కు ఇటీవల ప్రవేశపెట్టిన మూడు మార్పులు మీ కోసం.

1. 14-రోజుల ఎగ్జిట్ పాస్ చెల్లుబాటు పొడిగింపు

జరిమానాలను క్లియర్ చేయడంతో పాటు, క్షమాభిక్ష పొందిన వారికి ఎగ్జిట్ పాస్ అందజేయబడుతుంది. తద్వారా వారు పెనాల్టీలు చెల్లించాల్సిన అవసరం లేకుండా దేశం విడిచి వెళ్లవచ్చు. ప్రారంభంలో యూఏఈ నుండి బయలుదేరడానికి 14 రోజుల గ్రేస్ పీరియడ్ ఇచ్చారు. ఇప్పుడు, క్షమాభిక్ష కార్యక్రమం ముగిసే వరకు ఈ వ్యవధిని పొడిగించారు. అంటే ఎగ్జిట్ పాస్ కలిగి ఉన్నవారు అక్టోబర్ 31 వరకు తమ ఫ్లైట్ టిక్కెట్లు బుక్ చేసుకోని వెళ్లిపోవాలి.

2. అవసరమైన పాస్‌పోర్ట్ చెల్లుబాటు వ్యవధి సవరణ

సాధారణంగా, గడువు తేదీ కనీసం ఆరు నెలల దూరంలో ఉంటే పాస్‌పోర్ట్ చెల్లుబాటు అయ్యేదిగా పరిగణించబడుతుంది. అయితే, సెప్టెంబర్ 24న జారీ చేసిన ఒక సలహాలో యూఏఈ అధికారులు అవసరమైన ఆరు నెలల పాస్‌పోర్ట్ చెల్లుబాటు వ్యవధిని ఒక నెలకు తగ్గించారు. వీసా ఉల్లంఘించినవారు ఇప్పుడు క్షమాభిక్ష కోసం దరఖాస్తు చేసుకోవచ్చు. వారి పాస్‌పోర్ట్‌లను పునరుద్ధరించాల్సిన అవసరం లేకుండా వారి రెసిడెన్సీ స్థితిని సరిదిద్దుకోవచ్చు.  "ఇది దేశంలో ఉన్న రాయబార కార్యాలయాల ద్వారా పాస్‌పోర్ట్‌లను పునరుద్ధరించడానికి అవసరమైన సుదీర్ఘ కాలానికి సంబంధించిన సవాలును అధిగమించడానికి ఉల్లంఘించిన వారిని అనుమతిస్తుంది" అని ICP ఉన్నతాధికారి ఒకరు తెలిపారు.

3. ఆరోగ్య బీమా జరిమానాల మాఫీ

క్షమాభిక్ష పొంది, ఎమిరేట్‌లో ఉండాలనుకునే వీసా ఉల్లంఘనదారులకు అబుదాబి ఆరోగ్య బీమా జరిమానాలు మాఫీ చేయనున్నారు. అయితే, మాఫీ నుండి ప్రయోజనం పొందేందుకు, క్షమాభిక్ష మంజూరు చేయబడిన వారు "ఆరోగ్య బీమా డాక్యుమెంటేషన్‌ను పొందే ప్రక్రియను వెంటనే ప్రారంభించాలి"అని అధికారులు తెలిపారు. "వ్యక్తులు ఈ చొరవను సద్వినియోగం చేసుకోవాలని నిర్ణీత గడువులోగా ఆరోగ్య బీమా నమోదు ప్రక్రియలను పూర్తి చేయాలని మేము మా పిలుపును పునరుద్ఘాటిస్తున్నాము" అని అబుదాబిలోని హెల్త్ డిపార్ట్‌మెంట్‌లోని హెల్త్ కేర్ ఫైనాన్సింగ్ ప్రొవైడర్స్ సెక్టార్ ఎగ్జిక్యూటివ్ డైరెక్టర్ బినా అల్ అవనీ అన్నారు.