భారత చెస్ క్రీడాకారిణి ద్రోణవల్లి హారిక మరో అరుదైన గౌరవాన్ని దక్కించుకున్నారు. కజకిస్తాన్‌లో జరిగిన యూరేసియన్ బ్లిట్జ్ చెస్ టోర్నమెంట్ లో ద్రోణవల్లి హారిక బెస్ట్ ఉమెన్ ప్లేయర్‌గా నిలిచారు. చెస్ టోర్నమెంట్‌లో హారిక 60ఈఎల్‌వో పాయింట్లు సాధించి 2500 యూఎస్‌డాలర్లు (రూ.లక్షా 69వేలు) నగదు బహుమతిని పొంది టాప్ 10 ర్యాంకింగ్‌ను కైవసం చేసుకున్నారు.ఈ నేపథ్యంలో హారిక మాట్లాడుతూ 'వెంటవెంటనే రెండు అవార్డులు రావడం సంతోషంగా ఉంది. ఇది నాకు గొప్ప అవకాశం. ఎంతో మంది క్రీడాకారులతో పోటీ పడి ఈ టోర్నమెంట్‌లో గెలుపొందడం నాలో ఆత్మవిశ్వాసాన్ని మరింత పెంచింద'న్నారు.హారిక ఇటీవలే హంగేరీలో జరిగిన జలకరోస్ ఇంటర్నేషనల్ చెస్ టోర్నమెంట్‌లో బెస్ట్ ఉమెన్ ప్లేయర్ అవార్డును దక్కించుకున్న విషయం తెలిసిందే.