యూఏఈ: యూఏఈలోని కొన్ని ప్రాంతాలలో భారీ వర్షాలతో కూడిన వడగళ్ల వాన కురిసింది. అంతకుముందు వాతావరణ శాఖ ఎల్లో అలెర్ట్ జారీ చేసింది. ఫుజైరాలో భారీ వర్షాలకు రోడ్లపై నీరు నిలిచిపోయింది. అంతటా అధికారులు కూడా సన్నద్ధమయ్యారు. ట్రాఫిక్‌ను డైవర్ట్ చేయడం ద్వారా రహదారిపై ట్రాఫిక్ కష్టాలను తొలగించేందుకు ప్రయత్నించారు.  ఈ మేరకు పలు వీడియోలను స్టార్మ్ సెంటర్ షేర్ చేసింది.  అంతకుముందు రోజు షార్జాలోని కొన్ని ప్రాంతాలలో వడగళ్ళ వాన, రస్ అల్ ఖైమాలో భారీ వర్షాలు కురిసాయి. దీనివల్ల పర్వత ప్రాంతాలలో జలపాతాలు ఏర్పడతాయని అధికారులు తెలిపారు. హట్టాకు వెళ్లే రహదారిపై, పర్వతాల గుండా వెళుతున్న వాహనదారులకు అద్భుతమైన జలపాతాలు స్వాగతం పలికాయి.  భారతదేశ పశ్చిమ తీరానికి సమీపంలో అరేబియా సముద్రానికి దక్షిణంగా అల్పపీడనం ఏర్పడిందని, ఇది అక్టోబరు 14, 15 తేదీల్లో మధ్య అరేబియా సముద్రం వైపు దిశగా వెళ్లి బలోపేతం అవుతుందని జాతీయ వాతావరణ శాస్త్ర కేంద్రం పేర్కొంది.