దుబాయ్: ఐర్లాండ్‌కు చెందిన మోస్ట్ వాంటెడ్ పరారీలో ఉన్న అంతర్జాతీయ మాన్‌హాంట్ సీన్ మెక్‌గవర్న్ ను యూఏఈలో అరెస్ట్ చేశారు. ఈ మేరకు ఇంటర్‌పోల్ అధికారిక వెబ్‌సైట్‌ వెల్లడించింది. కినాహన్ ఆర్గనైజ్డ్ క్రైమ్ గ్రూప్‌లో అతడుకీలక సభ్యుడు. అతడిని అరెస్ట్ చేసేందుకు ఇంటర్‌పోల్ రెడ్ నోటీసు జారీ చేసింది. అక్టోబర్ 10న దుబాయ్ పోలీసులు అతన్ని పట్టుకున్నట్లు నివేదికలో వెల్లడించారు. ఇంటర్‌పోల్ సెక్రటరీ జనరల్ జుర్గెన్ స్టాక్ మాట్లాడుతూ.. ఐరిష్ అధికారులు, యునైటెడ్ అరబ్ ఎమిరేట్స్ సంయుక్త ప్రయత్నాలతో ఐర్లాండ్‌కు చెందిన మోస్ట్ వాంటెడ్ వ్యక్తుల్లో ఒకరిని అరెస్టు చేసారని తెలిపారు. అనేక నేరాలకు పాల్పడిన ఆరోపణలను ఎదుర్కొంటున్న మెక్‌గవర్న్‌ను అప్పగించే ప్రక్రియ ప్రారంభమైందని ఇంటర్‌పోల్ వెబ్‌సైట్ తెలిపింది. అయితే, అతని అరెస్టుపై స్థానిక అధికారులు ఇంకా అధికారిక ప్రకటన చేయలేదు.