కువైట్: దోహా వెస్ట్ స్టేషన్, జహ్రా నేచర్ రిజర్వ్ మధ్య సుమారు 5,794 చదరపు మీటర్ల విస్తీర్ణంలో ఉన్న 'జహ్రా కార్నిచ్' అని పిలువబడే జహ్రా వాటర్‌ఫ్రంట్ ప్రాజెక్ట్‌ను మున్సిపల్ కౌన్సిల్ ఆమోదించింది. పర్యాటకం, వాణిజ్య సౌకర్యాలను మెరుగుపరచడంలో కొత్త ప్రాజెక్ట్ ప్రాముఖ్యతను మున్సిపాలిటీ తెలియజేసింది. పర్యావరణ, ఆర్థిక, సామాజిక అంశాలను పరిగణనలోకి తీసుకుంటున్నట్లు తెలిపారు. కొత్త ప్రాజెక్ట్ వేలకొద్దీ ఉద్యోగావకాశాలను సృష్టిస్తుందని, వాటర్‌ఫ్రంట్‌కు యాక్సెస్‌ను మెరుగుపరుస్తుందని, జల్ అల్-జౌర్, కువైట్ సిటీలో పర్యాటకాన్ని పెంచుతుందని అధికార యంత్రాంగం ప్రకటించింది.