దోహా: ఈ వారాంతంలో కార్నిచ్ నుండి రాస్ అబూ అబ్బౌద్ ఎక్స్‌ప్రెస్‌వే వరకు ఉన్న సొరంగాన్ని తాత్కాలికంగా మూసివేస్తున్నట్లు పబ్లిక్ వర్క్స్ అథారిటీ (అష్ఘల్) ప్రకటించింది. దీనితోపాటు షార్క్ ఇంటర్‌సెక్షన్ నుండి హమద్ విమానాశ్రయం వరకు ఒక దిశలో ఉన్న మూడు లేన్‌లు నిర్వహణ పనుల కోసం నవంబర్ 1 ఉదయం 2 గంటల నుండి నవంబర్ 3 ఉదయం 5 గంటల వరకు మూసివేయనున్నారు. వాహనదారులు తమ గమ్యస్థానాలకు చేరుకోవడానికి ప్రత్యామ్నాయ మార్గాలను ఉపయోగించాలని సూచించారు.

అదేవిధంగా సబా అల్ అహ్మద్ కారిడార్‌లో ఉమ్ లేఖ్బా టన్నెల్ నుండి లెక్తైఫియా టన్నెల్ వరకు హమద్ విమానాశ్రయం వైపు తొమ్మిది గంటలపాటు ట్రాఫిక్ ఆంక్షలను అమలు చేయనున్నారు. అయితే, సర్వీస్ రోడ్లు, లెక్తైఫియా సిగ్నల్ తెరిచి ఉంటాయని తెలిపారు. నవంబర్ 1 ఉదయం 1 గంటల నుండి ఉదయం 10 గంటల వరకు విమానాశ్రయం వైపు అల్ షమల్ రోడ్ కూడా తాత్కాలికంగా అందుబాటులో ఉండదని అధికారులు వెల్లడించారు.  సబా అల్ అహ్మద్ కారిడార్‌ను యాక్సెస్ చేయడానికి ఉత్తరం లేదా అల్ మార్కియా నుండి రోడ్డు వాహనదారులు అల్ దుహైల్ ఇంటర్‌ఛేంజ్‌ని ఉపయోగించాలని సూచించారు. దోహా నుండి సబా అల్ అహ్మద్ కారిడార్‌కు వెళ్లే వాహనదారులు సర్వీస్ రోడ్‌లను చేరుకోవడానికి ఉమ్ లేఖ్‌బా ఇంటర్‌చేంజ్‌ని ఉపయోగించాలని కోరారు.