యూఏఈ: కువైట్‌కు నాలుగు రోజులపాటు కొన్ని విమాన సర్వీసులను ఎతిహాద్ ఎయిర్‌వేస్ రద్దుచేసింది. అబుదాబి జాయెద్ అంతర్జాతీయ విమానాశ్రయం (AUH), కువైట్ (KWI) మధ్య కొన్ని విమానాలు అక్టోబర్ 30 నుండి నవంబర్ 2 వరకు రద్దు చేసినట్టు ఎయిర్ లైన్స్ తెలిపింది.

రద్దయిన సర్వీసుల్లో EY 651 అబుదాబి నుండి కువైట్, EY 652 కువైట్ నుండి అబుదాబికి వెళ్లే విమాన సర్వీసు ఉంది.  బాధిత కస్టమర్లకు ప్రత్యామ్నాయ విమానాల్లో తిరిగి వసతి కల్పించడానికి లేదా పూర్తి వాపసును అందించడానికి కృషి చేస్తున్నట్లు ఎయిర్‌లైన్ తెలిపింది.

ఈ విమానాలను బుక్ చేసుకున్న ప్రయాణికులు తమను etihad.com/manage సందర్శించడం ద్వారా సంప్రదించాలని కోరింది. అదే సమయంలో సర్వీసుల రద్దు సమాచారాన్ని చెక్ చేసుకోవాలని క్యారియర్ కోరింది.  కాగా, విమాన నంబర్లు EY 657, EY 655, EY 653 అన్నీ అక్టోబర్ 30, 31, నవంబర్ 1 తేదీలలో అబుదాబి నుండి కువైట్‌కు యధాతథంగా పనిచేస్తున్నాయని తెలిపారు అదేవిధంగా, కువైట్ నుండి అబుదాబికి వచ్చే ప్రయాణికుల కోసం EY 656, EY 654, EY 658 విమాన సర్వీసులు అందుబాటులో ఉన్నాయని పేర్కొన్నారు.