దుబాయ్: దుబాయ్ అంతర్జాతీయ విమానాశ్రయంలో దీపావళిని జరుపుకున్నారు. దుబాయ్‌లోని ఇండియన్ కాన్సుల్ జనరల్ సతీష్ కుమార్ శివన్ హాజరయ్యారు. దుబాయ్ డ్యూటీ ఫ్రీ యొక్క మేనేజింగ్ డైరెక్టర్ రమేష్ సిదాంబి కాన్సుల్ జనరల్‌ను స్వాగతించారు.

దీపావళి దీపారాధన అనంతరం సాంప్రదాయ భారతీయ నృత్య ప్రదర్శన జరిగింది.  
 “దుబాయ్ డ్యూటీ ఫ్రీలో దీపావళి పండుగను జరుపుకోవడంలో భారత కాన్సుల్ జనరల్ సతీష్ కుమార్ శివన్ చేరడం సంతోషం. మేము ప్రస్తుతం దాదాపు 1,000 మంది భారతీయ పౌరులకు ఉపాధి కల్పిస్తున్నాము.భారతీయ ప్రయాణీకులు మా వ్యాపారంలో 13 నుండి 14 శాతం వరకు ఉన్నారు. కాబట్టి మేము ఈ అత్యంత ప్రజాదరణ పొందిన పండుగను ప్రపంచమంతటా జరుపుకోవడం సముచితం.’’ అని సిడాంబి అన్నారు.
దీపావళి వేడుకల అనంతరం ప్రసిద్ధ దుబాయ్ డ్యూటీ ఫ్రీ మిలీనియం మిలియనీర్, ఫైనెస్ట్ సర్‌ప్రైజ్ ప్రమోషన్‌ల కోసం డ్రా నిర్వహించారు. ఖతార్‌లోని దోహాలో ఉన్న పాకిస్తాన్ జాతీయుడు ఖలీద్ పర్వేజ్ తాజా మిలీనియం మిలియనీర్ సిరీస్‌లో $1 మిలియన్ విజేతగా నిలిచాడు.  

మిలీనియం మిల్లియనీర్ డ్రా తర్వాత మునుపటి మిలీనియం మిలియనీర్ సిరీస్ విజేతకు ప్రెజెంటేషన్ జరిగింది. దుబాయ్‌లో ఉన్న 50 ఏళ్ల భారతీయ జాతీయుడైన అమిత్ సరాఫ్ మిలీనియం మిలియనీర్ సిరీస్ 477లో $1 మిలియన్ గెలుచుకున్న విషయం తెలిసిందే.

సరాఫ్ ఇతర కార్యవర్గ సభ్యులతో కలిసి సిడాంబి నుండి ఉత్సవ చెక్కును అందుకున్నారు.

సర్‌ప్రైజ్ ప్రమోషన్‌లో ముగ్గురు విజేతలకు విలాసవంతమైన వాహనాలను అందజేశారు.  లెబనీస్ జాతీయుడైన హదీ సిదానీ BMW 740i M స్పోర్ట్ కారును గెలుచుకున్నాడు.
అజ్మాన్‌లో ఉన్న 38 ఏళ్ల భారతీయ జాతీయుడు అవిష్ తొట్టుపరంబత్ BMW R12 మోటార్‌బైక్‌ను గెలుచుకున్నాడు.  దుబాయ్‌లో ఉన్న 43 ఏళ్ల ఈజిప్టు జాతీయుడు మొహమ్మద్ అష్మావీ ఇండియన్ స్కౌట్ బాబర్ మోటార్‌బైక్‌ను గెలుచుకున్నాడు.  

దీపావళి ప్రమోషన్లు దీపావళికి సంబంధించిన ప్రచార కార్యక్రమాలలో భాగంగా దుబాయ్ డ్యూటీ ఫ్రీ పది మంది విజేతలకు 10గ్రాముల బంగారాన్ని గెలుచుకునే ప్రత్యేక ప్రమోషన్‌ ను ప్రకటించింది. బంగారు ఉత్పత్తులపై 'దీపావళి ప్రత్యేక ఆఫర్‌లు' అందుబాటులో ఉన్నాయని తెలిపింది. ఎంపిక చేసిన ఎలక్ట్రానిక్ వస్తువులపై కొన్ని ఉచిత బహుమతులు కూడా అందజేస్తున్నట్లు వెల్లడించింది.