కువైట్: ఇతరులకు హాని చేసే వాహనాలను వదిలిపెట్టబోమని, వాటిని సీజ్ చేస్తామని కువైట్ పోలీసులు హెచ్చరించారు. అదే సమయంలో చాలా మంది నిర్లక్ష్యపు డ్రైవర్‌లను అదుపులోకి తీసుకొని కౌన్సిలింగ్ ఇస్తున్నట్టు తెలిపారు.  తాత్కాలిక ప్రధానమంత్రి, రక్షణ అంతర్గత వ్యవహారాల మంత్రి షేక్ ఫహాద్ యూసుఫ్ సౌద్ అల్-సబాహ్ ఆదేశాల మేరకు తనిఖీలు చేపడుతున్నట్టు అంతర్గత మంత్రిత్వ శాఖ వెల్లడించింది. రేసింగ్ వీడియోలు చేస్తూ వాటిని సోషల్ మీడియాలో పోస్ట్ చేయడంపై కఠిన చర్యలు తీసుకుంటున్నట్లు తెలిపారు. ఇటీవల సోషల్ మీడియాలో హల్చల్ చేస్తున్న వారిపై చర్యలు తీసుకొని వారి కార్లను సీజ్ చేశామని, అనంతరం వాటిని డెమాలిష్ చేసినట్టు ప్రకటించారు.  ట్రాఫిక్ చట్టాలను అమలు చేయడంలో కఠినంగా ఉంటామని, ఇతరుల ప్రాణాలకు హాని కలిగించే వ్యక్తులను వదిలిబెట్టబోమని మంత్రిత్వ శాఖ హెచ్చరించింది.