ఇండియన్‌ ఎంబసీ, ఒనైజాలోని కొత్త కార్యాలయం నుంచి కార్యకలాపాల్ని ప్రారంభించింది. తొలి రోజు పెద్ద సంఖ్యలో పలు సేవల కోసం కార్యాలయానికి విచ్చేశారని అధికారులు చెప్పారు. జూన్‌ 22 నుంచి రి-లొకేషన్‌ ప్రాసెస్‌ కారణంగా ఎంబసీ కార్యాలయం మూతపడటంతో తొలి రోజు పెద్ద సంఖ్యలో ఎంబసీ సేవల్ని వినియోగించుకున్నారు. జోన్‌ 63లోని, అల్‌ ఐథ్రా స్ట్రీట్‌లో, స్ట్రీట్‌ నెంబర్‌ 941, విల్లాస్‌ 86, 90లలో అత్యంత సౌకర్యవంతంగా ఎంబసీ కార్యాలయాన్ని ఏర్పాటు చేశారు. దోహా నుంచి వచ్చేవారికి వెస్ట్‌ బే పెట్రోల్‌ స్టేషన్‌ నుంచి కుడి వైపుకు తిరిగి, వెంటనే ఎడమవైపుకు తీసుకుని, లెబనీస్‌ స్కూల్‌ వద్ద ఎడమవైపుకు తిరిగి, అక్కడి నుంచి కుడి వైపుకు తిరిగి, తదుపరి ఎడమవైపుకు తిరిగితే ఎంబసీ కార్యాలయానికి చేరుకోవచ్చు.