దుబాయ్: దుబాయ్ హార్బర్ ప్రాంతంలో బోటులో మంటలు చెలరేగాయి. కాగా, ఈ ప్రమాదంలో ఎటువంటి ప్రాణనష్టం జరగలేదని అధికారులు తెలిపారు. ఇంధన కేంద్రం సమీపంలో ఆదివారం ఉదయం దుబాయ్ హార్బర్ ప్రాంతంలో బోటులో మంటలు చెలరేగాయి. దుబాయ్ సివిల్ డిఫెన్స్ ఈ ఘటనపై స్పందించింది. తమకు ఉదయం 11:50 గంటలకు సమాచారం అందిందని తెలిపింది. దుబాయ్ హార్బర్ ఫైర్ స్టేషన్ నుండి సివిల్ డిఫెన్స్ సిబ్బంది మూడు నిమిషాల్లో ఘటనాస్థలికి చేరుకుని మంటలను అదుపు చేశారని తెలిపారు.  ఒక గంటలో మంటలు అదుపులోకి వచ్చాయని పేర్కొన్నది.ఈ ప్రమాదంలో ఎలాంటి ప్రాణనష్టం జరగలేదని తెలిపింది. అయితే, ప్రమాదానికి గల కారణాలను సివిల్ డిఫెన్స్ వెల్లడించలేదు.