యూఏఈ: దుబాయ్‌కి చెందిన ఇద్దరు వ్యాపారవేత్తలకు చెందిన ఎయిర్ కేరళ .. ఆపరేటింగ్ ఒప్పందాలను కుదుర్చుకుంది. ఎయిర్ కేరళ అధికారులు కేరళలోని కన్నూర్, కర్ణాటకలోని మైసూరు విమానాశ్రయాలతో అధికారిక ఒప్పందాలను కుదుర్చుకున్నారు. "ఎయిర్ కేరళగా మాకు ఇది చాలా పెద్ద ముందడుగు. ఈ సంవత్సరం జూన్ నాటికి దేశీయ కార్యకలాపాలను ప్రారంభించేందుకు మేము ట్రాక్‌లో ఉన్నాము. కన్నూరు, మైసూరు రెండింటితో సహకారం ప్రాంతీయ కనెక్టివిటీని మెరుగుపరచడంలో దోహదం చేస్తుంది." అని ఎయిర్‌లైన్ చైర్మన్ అఫీ అహ్మద్ అన్నారు.  

ఎయిర్ కేరళ బృందం ఎయిర్‌పోర్ట్స్ అథారిటీ ఆఫ్ ఇండియా-మైసూరు అధికారులతో సమావేశమైంది. ఇందులో నగర పార్లమెంటు సభ్యుడు యదువీర్ వడియార్ ఉన్నారు. ఈ సమావేశం మైసూరులో ఏవియేషన్ అకాడమీని స్థాపించడం, పర్యాటకాన్ని ప్రోత్సహించడంతోపాటు రెండు సంస్థలకు పరస్పరం ప్రయోజనం చేకూర్చేలా ఒప్పందాలు కుదుర్చుకున్నారు.  2026 చివరి త్రైమాసికంలో అంతర్జాతీయ విమానాలు ప్రారంభమవుతాయని కూడా అహ్మద్ ధృవీకరించారు. కొచ్చిని ప్రధాన స్థావరంగా నిర్వహించే ఎయిర్‌లైన్ ఈ వారం బ్యూరో ఆఫ్ సివిల్ ఏవియేషన్ సెక్యూరిటీ క్లియరెన్స్‌ను పొందింది.  ఎయిర్ ఆపరేటర్ సర్టిఫికేట్ (AOC) పొందడానికి ఒక అడుగు దగ్గరగా వెళ్లామని వైస్ చైర్మన్ అయూబ్ కల్లాడ అన్నారు.

ఎయిర్‌లైన్ సీఈఓ హరీష్ కుట్టి ప్రకారం.. ఎయిర్ కేరళ ప్రయాణికులను మొదటి స్థానంలో ఉంచడంపై దృష్టి పెడుతుంది. "చాలా సరసమైన ధరకు టిక్కెట్లు ఇవ్వడంతో పాటు, విమానయాన సంస్థ తన కార్యకలాపాలలో సమయానుకూలంగా ఉండేలా చూస్తాము" అని ఆయన చెప్పారు. గత సంవత్సరం ఎయిర్‌లైన్ మాతృ సంస్థ జెట్‌ఫ్లై ఏవియేషన్ భారత పౌర విమానయాన మంత్రిత్వ శాఖ నుండి నో అబ్జెక్షన్ సర్టిఫికేట్ (NOC) పొందింది.