రియాద్: సౌదీ అరేబియాలోని చాలా ప్రాంతాలు మోస్తరు నుండి భారీ వర్షంతో ప్రభావితమవుతాయని జాతీయ వాతావరణ కేంద్రం (NMC) అంచనా వేసింది. రాబోయే మూడు నాలుగు రోజులపాటు వర్షపాతం నమోదయ్యే అవకాశం ఉందని తెలిపింది. దాంతోపాటు గంటకు 60 కి.మీ వేగంతో గాలులు వీస్తాయని వెల్లడించింది.  

NMC నివేదిక ప్రకారం.. ఆది, సోమవారాల్లో తబుక్, మదీనా ప్రాంతాలలో.. అల్-జౌఫ్,ఉత్తర సరిహద్దులలో ఆదివారం సాయంత్రం నుండి మంగళవారం వరకు.. హేల్, అల్-ఖాసిమ్ ప్రాంతాలలో సోమ, మంగళవారాల్లో వర్షపాతం నమోదయ్యే అవకాశం ఉంటుంది. సోమవారం నుండి బుధవారం వరకు రియాద్ ప్రాంతానికి విస్తరించి.. మంగళవారం, బుధవారం తూర్పు ప్రావిన్స్‌ను.. సోమవారం, మంగళవారం మక్కా ప్రాంతంలో వాతావరణం చల్లబడుతుందని తెలిపింది. 

NCM ప్రకారం.. తబుక్, అల్-జౌఫ్, నార్తర్న్ బోర్డర్స్, హైల్ , ఖాసిమ్ ప్రాంతాలతో పాటు రియాద్ మరియు తూర్పు ప్రాంతాల ఉత్తర ప్రాంతాలలో చలి తీవ్రత అధికంగా ఉంటుంది. జజాన్, అస్సేర్, అల్-బాహా , మక్కా ప్రాంతాల్లో ఉరుములతో కూడిన వర్షం కురిసే అవకాశం ఉంది.