యూఏఈ: దుబాయ్‌లోని పురాతన,  అత్యంత ప్రసిద్ధ మాల్స్‌లో ఒకటైన బుర్జుమాన్ త్వరలో టిక్కెట్‌లెస్ పెయిడ్ పార్కింగ్ సిస్టమ్‌ను అందుబాటులోకి తీసుకురానుంది. మాల్ ఆఫ్ ది ఎమిరేట్స్, దేరా సిటీ సెంటర్‌లో టిక్కెట్‌లు లేని పార్కింగ్‌ను ఇటీవల ప్రవేశపెట్టిన విషయం తెలిసిందే. దుబాయ్ మాల్ కూడా గతేడాది జూలైలో ఇదే విధానాన్ని అమలులోకి తెచ్చింది. 

బుర్జుమాన్ చాలా కాలంగా పార్కింగ్ కోసం వసూలు చేస్తున్నప్పటికీ, కొత్త వ్యవస్థ ఫిజికల్ టిక్కెట్ల అవసరాన్ని తొలగిస్తుంది. అయితే, సందర్శకులు నేరుగా పార్కింగ్ ప్రాంతాలకు వెళ్లేందుకు ఆటోమేటిక్‌గా బారులు తీరడంతో వాహనదారులు ఇక ఆగాల్సిన పనిలేదని తెలిపారు. కొత్త సిస్టమ్ వాహన లైసెన్స్ ప్లేట్ నంబర్‌లను క్యాప్చర్ చేయడానికి, పార్కింగ్ ఫీజులను లెక్కించడానికి ఆటోమేటిక్ నంబర్ ప్లేట్ రికగ్నిషన్ (ANPR) ద్వారా రికార్డు అవుతుంది. టిక్కెట్‌లెస్ పార్కింగ్ ఎప్పుడు ప్రారంభమవుతుందనే దానిపై స్పష్టత రావాల్సి ఉంది.పార్కింగ్ రేట్లు మారవని తెలిపారు. సందర్శకులు ఇప్పటికీ మొదటి మూడు గంటలు ఉచితంగా ఆనందించవచ్చని, ప్రతి అదనపు గంట లేదా కొంత భాగం Dh20 ఖర్చు అవుతుందన్నారు. ఆదివారం, ప్రభుత్వ సెలవు దినాలలో కూడా పార్కింగ్ ఉచితం. సినిమా ప్రేక్షకులకు అదనంగా మూడు గంటల పాటు ఉచిత పార్కింగ్ ఉంటుంది. అయితే, రాత్రిపూట పార్కింగ్ అనుమతించబడదు. ఉల్లంఘించిన వాహనాలకు రోజుకు 250 దిర్హామ్‌లు విధించబడుతుంది.

బుర్జుమాన్ మాల్ సైఫ్ అల్ గురైర్ రియల్ ఎస్టేట్ గ్రూప్‌లో భాగం. ఇది 1991లో ప్రారంభమైంది. ప్రస్తుతం, మాల్ 286,417చదరపు అడుగుల విస్తీర్ణంలో విస్తరించి ఉంది.