రియాద్: సౌదీ రియాల్ (SAR) చిహ్నాన్ని ఎలా ఉపయోగించాలో తెలిపేందుకు సౌదీ సెంట్రల్ బ్యాంక్ (SAMA) ఎనిమిది కొత్త రూల్స్ ను ప్రవేశపెట్టింది. దీని ద్వారా రాజ్యంలో, విదేశాలలో కరెన్సీకి బలమైన గుర్తింపు లభిస్తుంది. సౌదీ అరేబియా తన ఆర్థిక, సాంస్కృతిక ఉనికిని పెంపొందించే ప్రయత్నంలో భాగంగా రెండు పవిత్ర మసీదుల సంరక్షకుడు రాజు సల్మాన్ బిన్ అబ్దులాజీజ్ అధికారికంగా ఈ చిహ్నాన్ని ఆమోదించిన తర్వాత ఈ మేరకు నియమాలను విడుదల చేశారు. 

చిహ్నాన్ని ఎల్లప్పుడూ సంఖ్యా విలువకు ఎడమ వైపున ఉంచాలి. స్పష్టత కోసం వాటి మధ్య ఖాళీ ఉండాలి. ఈ డిజైన్ సౌదీ అరేబియా గొప్ప సాంస్కృతిక వారసత్వం, జాతీయ గర్వాన్ని ప్రతిబింబించే అరబిక్ కాలిగ్రఫీ నుండి తీసుకున్నారు. "రియాల్" అనే పేరుకు చారిత్రక ప్రాముఖ్యత ఉంది. ఇది ఆధునిక సౌదీ అరేబియా స్థాపకుడు రాజు అబ్దులాజీజ్ పాలనలో 1346 AHలో సౌదీ కరెన్సీని మొదటిసారిగా జారీ చేసినప్పటి నుండి అమల్లో ఉంది. ఇది రాజ్యం ఏకీకృత జాతీయ కరెన్సీకి నాంది పలికింది. స్పష్టమైన మార్గదర్శకాలతో ఈ కరెన్సీ సింబల్ దేశంలో, ప్రపంచవ్యాప్తంగా సౌదీ కరెన్సీ భవిష్యత్తును నిర్వచించడంలో సహాయపడుతుందని పేర్కొన్నారు.